“The Hu” хамтлагийнхан Австралид саатжээ
Монголын рок хөгжмийн “The Hu” хамтлагийнхан коронавирусын хоригоос шалтгаалан Австрали улсад саатаад байгаа тухай Billboard сайтад мэдээлжээ.
Тэд одоо мөнгөө хэмнэх үүднээс Сиднейн ойролцоо Airbnb сүлжээний хямд байранд байрлаж байгаа гэнэ. Тус хамтлагийг Австралид аялан тоглож байх үед шинэ коронавирусын хориг зарлагдаж, 500-аас дээш тооны хүн нэг дор цугларахыг хоригложээ.
Саяхан энэ хязгаарыг 100 болгон бууруулсан юм. Тухайн үед “The Hu” хамтлагийнхан нутаг буцах гэсэн боловч Монгол улс гуравдугаар сарын 28 хүртэл бүх гадаад нислэгээ зогсоосон нь саад болсон байна.
Продюсер нь Турк улсад саатаад байсан ч саяхан Монгол улсын засгийн газрын илгээсэн тусгай үүргийн нисэх онгоцоор нутаг буцаж чадсан тухай хамтлагийн гоцлол дуучин Галаа ярьжээ. Тэр бас Австрали дахь Монгол улсын элчин сайдын яамтай холбоо барьж, засгийн газраас нь тусгай нислэг үйлдэх боломжийг асууж байгаагаа ярьсан байна. “The Hu” хамтлагийнхан дархлаагаа дэмжиж, өвдөхгүйн тулд хөгжмөө тоглон, сэтгэл санаагаа өөдрөг байлгаж байгаа тухайгаа Billboard сайтад ярьжээ.
Эх сурвалж: Billboard.com
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.