Улсын онцгой комиссын Шуурхай штабаас коронавируст халдварын тархалтаас урьдчилан сэргийлэх хүрээнд хийгдэж байгаа ажлууд болон цаг үеийн нөхцөл байдлын талаарх мэдээлэл хийж байна.  ОБЕГ-ын хэвлэлийн төлөөлөгч Б.Дуламсүрэн: "Засгийн газрын хуралдаанаас өчигдөр хэд хэдэн шийдвэр гаргасан. Тухайлбал Цагаан нуурын боомтоор иргэдийн орж ирэх хөдөлгөөнийг гуравдугаар сарын 23-ны өдрийн 20 цаг хүртэл үргэлжлүүлээд хаахаар болсон. Сэлэнгэ аймгийн Алтанбулагийн боомтоор гуравдугаар сарын 28-ны 06 цаг хүртэл хүмүүс хүлээж аваад, үүнээс хойш хаана. Дөрөвдүгээр сарын 5-н хүртэл улс орон даяар ариутгал, халдваргүйтгэлийн ажлыг зохион байгуулах Гадаадаас ирэх Монгол Улсын иргэдийг УОК-ийн шийдвэрээр Буянт-Ухаа, Замын-Үүд, Алтанбулаг боомтоор зохион байгуулалттайгаар нэвтрүүлж, 14 хоног тусгаарлах арга хэмжээ авах шийдвэр гарсан. Баян-Өлгий, Баянхонгор, Дорнод, Дархан, Дорноговь, Орхон, Өмнөговь, Хэнтий, Ховд, Хөвсгөл, Сэлэнгэ, Увс, Завхан аймагт тусгаарлагдан ажиглагдаж байгаа иргэдтэй холбоотойгоор тус аймгуудын шуурхай штабд холбогдох үүрэг чиглэлийг өгсөн. Түр тусгаарлах 14 хоног нь дууссан иргэдийг үргэлжлүүлэн гэр нь тусгаарлах ажлыг зохион байгуулна. Тухайн иргэн гэртээ мөрдөх журмыг хэрэгжүүлээгүй тохиолдолд хуулийн хариуц хүлүүлэх асуудал орсон. Гэрээр тусгаарлагдах иргэдийг хянах гар утасны аппликейшн болон бүсийн хяналтыг зохион байгуулах ажлыг зохицуулж байна. ОХУ-ын Ташаантын боомт, Монгол Улсын Цагаан нуур автозамын боомтоор нэвтрэх хүсэлт гаргасан Монгол Улсын 31 иргэн байна. Үүнээс 13 оюутан өнөөдөр ирж байгаатай холбогдуулан хүлээ авах тусгаарлах байрыг бэлэн болгох бэлтгэл ханган ажиллаж байна. Өндөржүүлсэн бэлэн байдлыг сунгасан хугацаанд агаарын зам, төмөр замыг мөн 04.30-ныг хүртэл сунгасан. ОХУ-д амьдардаг, сурдаг манай улсын иргэд иргэдийг 03.28-ны өглөөний 06:00 цаг хүртэл Алтанбулаг Хиагт боомтооор хүлээн авна. 03.28-наас хойш улсын хилээр нэвтрүүлэхгүй гэлээ.  Алтанбулаг боомтоор 455 зорчигчийг эрүүл мэндийн хяналтын дор нэвтрүүлсэн, тусгаарласан. Баян-Өлгийн Цагаан нуурын боомтоор орж ирсэн 306 зорчигчийг тусгаарлан, ажиглалт хийж байна.” гэлээ.