“Уурхайчин” багт байрлах “ШҮР” дэн буудлын үйл ажиллагааг зохих дүрэм журмын дагуу үйл ажиллагаагаа эрхлээгүй гэх үндэслэлээр 14 хоногийн өмнө зогсоосон. Гэвч оршин суугчид, иргэдийн зүгээс орцоороо хүн оруулж, тэр бүү хэл биеэ үнэлэгчдийг орогнуулж байна гэх гомдлыг аймгийн 7035-3511 утсанд ирүүлсээр байна. Энэ чиглэлд зөвшөөрлийг нь олгох, цуцлах эрх бүхий хяналтын байгууллага нь эзэн холбогдогчийг нь ч мэдэхгүй гэнэ...Хариуцсан газрын ахлах мэрэгжилтэн, аймгийн удирдлага, хууль хяналтынхан үнэхээр “Шүр” гэх буудлыг судлаад судлаад эзэн нь олдохгүй байна гэж үү. ..Угтаа хамгийн энгийнээр хэнтэй гэрээ байгуулж, зөвшөөрөл олгосноо эргэн харахад л эзэн нь тодорхой болмоор. “Шүр” дэн буудал, түүнийг шалгаж байгаа төрийн байгууллагын аль аль нь иргэдэд инээдгүй хошин шог үзүүлж бухимдуулсаар. Зарлавал шууд зарлаад, зогсоовол хатуухан шиг арга хэмжээ тооцоод, зогсоочихмоор юмдаа. “Шүр” “төр” хоёр хөөцөлдсөөр, одоо болиоч дээ.