Одоогийн байдлаар 1151 тээврийн хэрэгслээр 3640 зорчигч Эрдэнэтээс гараад байна
Улсын онцгой комиссын шийдвэрийн дагуу гуравдугаар сарын 3-ны өглөө аймаг, нийслэлээс гарч орж байгаа тээврийн хэрэгслийн хөдөлгөөнийг бүрэн нээлээ.
Өглөөний 6 цагаас 12 цаг 50 минут хүртэлх хугацаанд Эрдэнэтэд орж ирсэн 207 тээврийн хэрэгслээр 1017 зорчигч, гурван замын пост, Булганы постоор нийт 1151 тээврийн хэрэгслээр 3640 зорчигч гарсаныг Замын цагдаагийн дарга М.Баттулга мэдээллээ.
Постуудад рүүл мэндийн байгууллага болон Онцгой байдлын газар, Цагдаагийн алба хаагчид ажиллаж байна. Мөн цагдаагийн алба хаагчид хөдөлгөөнт байдлаар болон видео бичлэгээр замын хөдөлгөөнийг баримтжуулж, орон нутгийн замд зөөврийн хурд хэмжигчийг дарааллуулан байрлуулсан аж.
Харин тээврийн хэрэгслийг нийслэл рүү нэвтрүүлэхдээ иргэдийг эрүүл мэндийн үзлэгт хамруулж, 10 асуулт бүхий асуумж бөглүүлж буй. Тухайн үед тодорхой хэмжээнд хөдөлгөөний удаашрал нэмэгдэх учир энэ үед жолооч нар замын хөдөлгөөний дүрэм заалтыг зөрчиж, урсгал сөрөх, урдуур дайрах гэх мэт зөрчил гаргахгүй байхыг Цагдаагийн байгууллагаас анхаарууллаа.
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.