Халдвартын тасагт тусгаарлагдсан иргэний шинжилгээний хариу СӨРӨГ гарчээ

Энэ сарын 5-нд Мэндцэцэн ӨЭМТ-д сайн дураараа үзлэг шинжилгээнд хамрагдаж, Ухань хотоос ирсэн  гэдгээ холбогдох албаныхан мэдээллэсэн иргэн Б-г ДЭМБ-ын зөвлөмжийн дагуу БОЭТ-ийн Халдвартын тасагт тусгаарласан. Ингэхдээ шинэ коронавирусын шинжилгээний сорьцыг ХСӨҮТ-д хоёрдугаар сарын 6-нд 01 цаг орчимд хүргүүлсэн.  Шинжилгээний хариу 24 цагийн дараа гардаг. Тэгвэл "Шинжилгээний хариу сөрөг гарч, шинэ коронавирусын халдваргүй болох нь тогтоогдсон" болохыг дөнгөж сая ОРХОН АЙМГИЙН ЭМГ-ын дарга Ц.МӨНХЦЭЦЭГ дуулгалаа. Иймд ард иргэд урьдчилан сэргийлэх амны хаалт, ариутгадыг тогтмол хэрэглэж, тайван байхыг зөвлөж байна.