Эмэгтэйчүүдийн нийгэмд эзлэх байр суурь, манлайлал оролцоог нэмэгдүүлж , шийдвэр гаргах түвшинд үр дүнтэй хамтран ажиллах зорилгоор Орхон аймгийн МАН-ын хороо, ”Нийгмийн ардчилал Монголын эмэгтэйчүүдийн холбоо”, “Энх Эрдэнэтийн хөгжил” ТББ хамтран  “Эмэгтэйчүүд хүчээ нэгтгэе" нэгдсэн арга хэмжээ зохион байгууллаа.  Энэ хүрээнд Хөгжлийн төлөө “Алхангаа ярилцъя“ 1000 эмэгтэйчүүдийн өртөөлсөн, эрүүл мэндийн алхалт, "Хөгжлийн төлөө эмэгтэйчүүд бид"  сургалт хийлээ.  Дээрх арга хэмжээ нь эмэгтэйчүүдийн оролцоо нийгэмд чухлыг бататган, зарим үр дүнд шууд хүрч чадсаныг  зохион байгуулагчид онцоллоо  "Жижиг дунд бизнес эрхлэгч 5 эмэгтэйн төсөл"-ийг "Эрдэнэт ШУТП"-аас санхүүжүүлнэ  Тухайлбал Орхон аймгийн Засаг дарга Батлут 7  хоног бүр "Алхангаа ярилцая" алхалтыг иргэд, аймаг, сумын ИТХ-ын тэргүүлэгч, төлөөгч, удирдах албан тушаалтнуудын хамт хэвшил болгон үргэлжлүүлэхээ мэдэгдэж, жижиг дунд бизнес эрхлэгч 5 эмэгтэйн төсөл санаачлагыг "Эрдэнэт ШУТП"-ын ашиг орлогоос санхүүлэн дэмжихээр болов.  "Энх Эрдэнэтийн Хөгжил" ТББ-ын тэргүүн Цогтын БАТ-ЭНХ нэг залуу багшид хашаа байшин, газрын гэрчилгээг бэлэг болгон өглөө     Мөн энэ үеэр "Энх Эрдэнэтийн Хөгжил" ТББ-ын тэргүүн Цогтын Бат-Энх нэгэн залуу багшийг дэмжин, хашаа байшинтай болгосон юм. Тодруулбал Эрдмийн сан сургуульд 2 жил орчим багшаар ажиллаж байгаа Лхагвасүрэнд ажиллаж хөдөлмөрлөх, хүүхэд багачуудад зааж сургах их үйлст нь урам өгч, хашаа байшин, газрын гэрчилгээний хамт бэлэг болголоо. ”Нийгмийн ардчилал Монголын эмэгтэйчүүдийн холбооноос санаачлан зохион байгуулж буй  “Эмэгтэйчүүд хүчээ нэгтгэе" нэгдсэн арга хэмжээ нь 21 аймаг, 9 дүүрэгт үргэлжилнэ.