Олон улсын зөвлөх баг Орхон аймагт ажиллаж байна

Европын сэргээн босголт, хөгжлийн банктай хамтран хэрэгжүүлэхээр ажиллаж байгаа 14 сая долларын өртөг бүхий дэд бүтэцийн ажлын ТЭЗҮ-г боловсруулах Олон улсын баг манай аймагт ажиллаж байна. Энэхүү төсөл хэрэгжвэл Эрдэнэт хотын үерийн далангийн асуудлыг шийдвэрлэх, Эрдэнэт хотын ус дулаан хангамжийг сайжруулах, алслагдсан зарим багуудад инженерийн шугам сүлжээг хүргэх гэх мэт дэд бүтэцийн томоохон төсөл хэрэгжих юм.  Үүний хүрээнд Олон улсын зөвлөхүүдээс бүрдсэн баг манай аймагт ирж, холбогдох мэргэжлийн байгууллагуудтай хамтран ажиллан мэдээлэл дээр суурилсан ТЭЗҮ-ийг боловсруулах ажил хийгдэж байна. Үүний хүрээнд аймгийн Засаг даргын орлогч С.Батжаргалаар удирдуулан холбогдох мэргэжлийн байгууллагуудыг оролцуулсан зөвлөлдөх уулзалт өчигдөр боллоо.  Тус олон улсын зөвлөх баг 1-2 сарын хугацаанд шаардлагатай баримт бичгийг боловсруулан Европын сэргээн босголт хөгжлийн банкинд хүлээлгэн өгөх юм. Ингэснээр уг төсөл хэрэгжих боломж нээгдэнэ.    Мэдээллийн төв