ОРХОН АЙМАГ АНХ УДАА БАГА НАСНЫ ХҮҮХДИЙГ ДЭЛГЭЦИЙН ДОНТОЛТООС СЭРГИЙЛЭХ АЯН САНААЧЛАН, ЭХЛҮҮЛЛЭЭ
Гар утас, зурагт, дэлгэц нь хүүхэд саатуулах тоглоом биш. Сонсоход ойр ч, гэр бүлийн амьд харилцааг аажмаар үгүй хийсээр байна. Иймд Орхон аймаг Монголд анх удаа “Бага насны хүүхдийг дэлгэцийн донтолт өвчнөөс сэргийлэх” аяныг эхлүүллээ.
Цэцэрлэгийн насны хүүхдүүдэд дэлгэцнээс ангид зөв дадал суулгах, эцэг эхчүүдийг үр хүүхэддээ эерэгээр нөлөөлж, гэр бүлийн амьд харилцааг эрхэмлэхийг “Бага насны хүүхдийг дэлгэцийн донтолт өвчнөөс сэргийлэх” аян уриалжээ. Аяны хүрээнд аймгийн 37 цэцэрлэгийн 5000 хүүхдийг нөлөөллийн сургалтад хамруулна.
Дэлгэцийн донтолт хүүхдийн бие махбодь, зан төлөвт олон сөрөг нөлөө үзүүлдэг өвчин юм гэдгийг нийгэмд таниулахаар “Эерэг өөрчлөлтийн түүчээ” ТББ-аас “Дэлгэцээс холдуулах дадлууд” нэртэй ном эрхлэн гаргажээ. Номоо 3-5 настангуудын сургалтад зориулан өглөө. Ингэснээр хүүхдүүд номын даалгаварын дагуу ойлгож мэдсэнээ зургаар буулгаж, шалгарсан бүтээлээр үзэслэн гаргаж, олны хүртээл болгох юм байна.
Аян үр дүнд хүрэхэд эцэг эхчүүд гол үүрэгтэйг зохион байгуулагчид онцолж байна. “Бага насны хүүхдийг дэлгэцийн донтолт өвчнөөс сэргийлэх” аяныг Орхон аймгийн Засаг дарга, аймгийн хүүхдийн төлөө зөвлөлийн тэргүүн Д.Батлутын ивээл дор хэрэгжүүлнэ.
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.