Нийгмийн хариуцлага, бүтээгдэхүүний чанар үзүүлэлтээр салбартаа тэргүүлэгч “Ачит Ихт” ХХК-ийн 5 жилийн ой энэ жил тохиож байна.  Тус компанийн хамт олон ойн баярынхаа хүрээнд хэд хэдэн чиглэлийн ажил төлөвлөсний нэг нь  Орхон, аймаг Эрдэнэтэд хотод үйл ажиллагаа явуулж буй хэвлэл мэдээллийн байгууллагуудын  сэтгүүлчдийн дунд зарлах уралдаан юм. Энэхүү уралдаан нь “Ачит-Ихт” ХХК-ийн 5 жилийн хугацаанд хийж бүтээсэн ажил, төсөл хөтөлбөр, байгаль орчныг хамгаалах, нийгмийн хариуцлагын хүрээнд хэрэгжүүлсэн бодлого болон хөрөнгө оруулалтын талаарх мэдээллийг үнэн бодитой, баттай эх сурвалжаас, сэтгүүл зүйн бүхий л төрөл жанраар олон нийтэд хүртээмжтэй хүргэх зорилгоор зохион байгуулагдаж байгаа юм. Энэхүү уралдаан нь телевиз, сошиал болон вэб сайт, сошиал гэсэн төрлөөр явагдана. Уралдаанд оролцогчдын бүтээлийг 2019 оны 11-р  сарын 15-20-нд   компанийн оффист хүлээн авна.  Шалгарсан бүтээлийн шагналыг 11-р сарын 25-нд хүндэтгэлийн үйл ажиллагааны үеэр гардуулна. Шагналын санд  Телевиз, сошиал төрөлд  I  байр  4 сая, II байр   2,5 сая,  III байр 1,5 сая төгрөг бол сайт, сошиал төрөлд  I  байр   3 сая, II байр  2 сая, III байр  1 сая төгрөг юм. Эрдэнэт хотод үйл ажиллагаа явуулж буй хэвлэл, мэдээллийн байгууллагад ажиллаж буй сэтгүүлч, уран бүтээлчид та бүхнийг “Ачит Ихт” ХХК-ийн 5 жилийн ойн хүрээнд зохион байгуулагдаж буй уралдаанд идэвхтэй  оролцохыг урьж байна.