ДЭНЖ, ЭРДЭНЭ БАГИЙН 200 ГАРУЙ ИРГЭНИЙГ УРЬДЧИЛАН СЭРГИЙЛЭХ ҮЗЛЭГТ ХАМРУУЛЛАА

Хүн эрүүл мэндийн урьдчилан сэргийлэх үзлэгт тогтмол хамрагдсанаар болзошгүй эрсдлийг эрт үед нь оношлон эмчлэх ач холбогдолтой. Иймд Эрдэнэтийн залуу эмч нарын холбоо, Эрдэнэтийн хүү ТББ хамтран "Бид Эрдэнэтийнхэн” аян өрнүүлж, аяны хүрээнд  “Эрүүл Эрдэнэт” төслийг хэрэгжүүлж байна. Ингэснээр  Орхон аймгийн бүх багуудын иргэдийг нэг удаагийн компанит үзлэг биш, шаталсан үзлэг зохион байгуулан хамруулах юм. Эхний удаад Дэнж, Эрдэнэ багийн 200 гаруй иргэнийг урьдчилан сэргийлэх иж бүрэн үзлэгт хамрууллаа Үзлэгт дотор судлалын эмч, зүрхний цахилгаан бичлэг, чих хамар хоолой, нүд, зүрх судас, элэг цөс гэх мэт үзлэгийг БОЭТ-ийн эмч нар хийсэн бөгөөд дараачийн үзлэгийг энэ сарын 28 ний өдөр хийхээр төлөвлөжээ.  Цаашид нарийвчилсан шинжилгээ хийх шаардлагатай гэж гарсан иргэдийг оношлуулахаар БНХАУ-ын Хөх хотыг зорих юм байна.