Сурагчдын үдийн цайны төсвийг 900 төгрөг болгоно

Ерөнхий боловсролын сургуулийн бага ангийн сурагчдын "Үдийн цай" хөтөлбөрийн зардал 600 төгрөг байсныг 900 төгрөг болгож нэмэгдүүлэхээр болжээ. Тодруулбал, нэг хүүхдийн нэг өдрийн хоол 600 байсныг 900 болгож нэмэгдүүлэхээр тооцож 2020 оны улсын төсвийн төсөлд тусгасан байна. Харин дотуур байранд амьдардаг сурагчдын хоолны зардал 2315-3475 төгрөг болон нэмэгдэх гэнэ. Ийнхүү сурагчдын цай, хоолны зардлыг нэмэгдүүлснээр аливаа өвчнөөс урьдчилан сэргийлэх, хоол, тэжээлийн суурь хэрэгцээнд дэмжлэг үзүүлэх, сурах нөхцөл боломжийг дэмжих, сургалтын чанарыг сайжруулахад чухал нөлөөтэй хэмээн БСШУСЯ-аас үзэж байгаа аж.