“ЭКО ЖОРЛОН” -ЖУУЛАХ ЖУРАМ БАТЛАГДЛАА
ЭНЭ ОНД 290 ӨРХ СТАНДАРТАД НИЙЦСЭН “ЭКО АРИУН ЦЭВРИЙН БАЙГУУЛАМЖ”-ТАЙ БОЛНО
Гэр хорооллын айл өрхүүд жорлонгоо сайжруулснаар халдварт өвчнөөс сэргийлэх, амьдрах орчин сайжирч, хүрээлэн буй орчныг бохирдуулахгүй байх, гэдэсний халдварт өвчний дэгдэлтийг бууруулах гэх мэт олон эерэг талтай. Орхон аймаг Баян-Өндөр сумын хэмжээнд 2017 онд хөрсний бохирдлын судалгааг 50 дээжээр шинжлэхэд 90 хувь нь нянгийн, бусад аймаг орон нутагтай харьцуулахад 2-4 дахин их хөрсний бохирдолтой гэж гарчээ. Иймд орон нутгаас, инженерийн шугамд ойрын хугацаанд холбогдох боломжгүй, гэр хорооллын айл өрхүүдэд стандарт, шаардлагад нийцсэн "Эко ариун цэврийн байгууламж" барих тус ажлыг 100 хувь зохион байгуулан, санхүүжүүлэх журам баталжээ.
Үүний тулд Орхон аймаг энэ онд нийт 608 сая төгрөгийн төсөвт өртгөөр, 290 өрхөд жорлон тус бүрийг 1997000 төгрөгөөр "Эко ариун цэврийн байгууламж" иж бүрнээр нь барьж өгнө. Эдгээр өрхийг Баян-Өндөр сумын гэр хорооллын 14 баг тус бүрт 19, Жаргалант суманд 24-г сонгон шалгаруулж "Эко ариун цэврийн байгууламж" -тай болгоно. Эко жорлон барьж байгуулахдаа мэргэжлийн байгууллагаас гаргасан жишиг загварын дагуу, газар доор ус, чийг нэвтрүүлэхгүй байдлаар шийднэ. Ингэснээр газрын хөрсөнд ямар нэгэн бохирдол өгөхгүй гэж тооцоолжээ.
Баригдсан жишиг нойлыг сайжруулах, дулаалах тал дээр айл өрх, иргэн үүрэг хүлээнэ. "Эко жорлон" бариулах айл өрх нь дараах шаардлагыг хангасан байна.
Үүнд:
Орхон аймгийн харъяат
Гэр хороололд байнгын оршин суудаг
Инженерийн шугам сүлжээнд ойрын хугацаанд холбогдох боломжтой байршилд байрлаагүй
Хашаандаа шинэ ариун цэврийн байгууламж барих зай талбайтай
Хуучин ариун цэврийн байгууламжийг булж ариутгасан
2-3 ширхэг мод тарисан байх шаардлагатай.
"Эко ариун цэврийн байгууламж" бариулах иргэн, айл өрхийн хүсэлтийг энэ сарын 28-наас авч эхэлнэ
Нойл барих санхүүжилтыг эхний удаад гүйцэтгэгч ХХК-д 60 хувь, барьж дууссаны дараа үлдэгдлийг шилжүүлж, байгаль орчин аялал жуулчлалын газар, иргэн, ажлын хэсэг жорлон барих явц, гүйцэтгэлд хяналт тавин ажиллана. Эко ариун цэврийн байгууламжийн бохирыг 6-12 сарын хугацаанд нэг удаа соруулах ба, бохир соруулах машин Орхон аймагт 3 ширхэг байдаг байна. Эко нойл бариулах иргэн, айл өрхийн хүсэлтийг энэ сарын 28 наас эхлэн багийн ажлын албаар дамжуулан авах юм байна. Эко нойлтой болохыг хүссэн иргэн дараах материалыг бүрдүүлж, багийн ажлын албанд бүртгүүлнэ.
Иргэний өргөдөл,\/ овог нэр, утасны дугаар, гэрийн хаяг\/
Багийн засаг даргын тодорхойлолт, \/оршин суугаа хаяг, ам бүлийн тодорхойлолт\/
Иргэний үнэмлэхний хуулбар
Материалыг 14 хоногийн хугацаанд авч, сонгон шалгаруулна. Энэ жил "Эко жорлон" бариулж чадаагүй, сонгогдоогүй айл өрх дараа жил сонгогдох боломжтой. Тус журам цаашид 3 жилийн хугацаанд үргэлжилнэ гэдгийг ажлын хэсгийнхэн хэвлэлийн бага хурлын үеэр мэдэгдлээ.
![](http:\/\/etimes.mn\/uploads\/filemanager\/zurag%207%20sar\/67402747_652411455266065_8421064900352147456_n%20(1).jpg)
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.