ДАРХАН-УУЛ АЙМАГТ БАЙШИН ШАТСАНЫ УЛМААС ГЭР БҮЛИЙН 6 ХҮН АМИА АЛДЖЭЭ
Дархан-Уул аймгийн Дархан сумын Малчин багт "байшин, гарааш, автомашин, малын хашаа шатаж байна" гэсэн дуудлага зургаадугаар сарын 19-ний 02:50 цагт онцгой байдлын байгууллагад иржээ.Тус аймгийн Онцгой байдлын газрын Гал түймэр унтраах, аврах 22 дугаар ангийн 15 алба хаагч гурван автомашинтай 7 км зам туулан 03:00 цагт очиж, 8х5, 4х5 метрийн хэмжээтэй байшин, 2.5х5 метрийн хэмжээтэй граж, ... дугаартай “Портер” загварын автомашин, 4х4, 5х8 метрийн хэмжээтэй малын хашаа тус тус шатаж байсныг дөрвөн цаг ажиллаж, нэмэлтээр тус аймгийн Онцгой байдлын газрын Гал түймэр унтраах, аврах 54 дүгээр ангийн 10 алба хаагч, гурван автомашинтай 03:15 цагт гарч 20 км зам туулан 03:47 цагт очиж 3 цаг 13 минут тус тус ажиллаж унтраасан байна.
Уг гал түймэрт өвөө эмээгийн хамтаар бага насны 4 хүүхэд, нийт 6 иргэн өртөж нас барсаныг Дархан-Уул аймгийн ОБГ-ын алба хаагчид гаргаж тус аймаг дахь Цагдаагийн газрын жижүүрийн бүрэлдэхүүнд шилжүүлэн өгчээ. Одоогоор галын шалтгаан тодорхойгүй байгаа аж.
Иймд Орхон аймгийн ОБГ-аас эцэг эхчүүдэд бага насны хүүхдээ хараа хяналтгүй гэртээ үлдээхггүй байх, цахилгаан техник хэрэгслийн галын аюулгүй байдлыг бүрэн хангаж, болзошгүй аюулаас урьдчилан сэргийлэхийг онцгойлон анхааруулж байна.
эх сурвалж: Орхон аймаг дахь ОБГ
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.