Эрдэнэтийн докторуудын тоог нэгээр нэмэгдүүллээ

Өнөөдөр Эрдэнэтийн докторуудын тоо нэгээр нэмэгдлээ. Тодруулбал "Эрдэнэс Таван толгой" ХХК-ийн гүйцэтгэх захирал,  Улаанбаатар хот дахь Эрдэнэт хотын нутгийн зөвлөлийн тэргүүн Б.Ганхуяг МУБИС-ийн НХУС-ийн Нийгмийн ухааны тэнхимд докторантурын сургалтыг дүүргэн докторын зэрэг амжилттай хамгааллаа.  Баттулгын Ганхуяг нь Улс төр судлалын ухааны докторын (Ph.D)-ын дипломыг захирлын үүрэг гүйцэтгэгч доктор Д.Мандахаас гардан авлаа.  Диплом гардуулах үеэр МУБИС-ийн ЗХНА эрхэлсэн дэд захирал Б.Сүхболд, НХУС-ийн Нийгмийн ухааны тэнхимийн эрхлэгч доктор, дэд проф. Т.Нэмэхжаргал, эрдэм шинжилгээний ажлын удирдагч МУИС-ийн профессор Ө.Мөнхбат, МУБИС-ийн НУТ-ийн багш доктор Э.Гэрэлт-Од нар болон гэр бүл, хамт олны төлөөлөл хүрэлцэн ирж баяр хүргэлээ.