Орхон аймагт 90 төрийн байгууллагад нийт 5000 гаруй төрийн албан хаагч ажиллаж, төрийн үйлчилгээг иргэдэд хүргэж байна. Эдгээр албан хаагчдад Монгол улсын Төрийн албаны зөвлөлийн даргын 2019 оны 46 дугаар тушаалаар байгуулагдсан ажлын хэсэг Орхон аймагт ажиллах үеэрээ сургалт явуулж байна.  Энэхүү ажлын хэсгийн зорилго нь орон нутаг дахь төрийн захиргааны байгууллага, Салбар зөвлөлийн үйл ажиллагаатай танилцах, мэргэжил арга зүйн зөвлөгөө өгөх, Төрийн албаны тухай хууль, тогтоомжийн хэрэгжилтийг хангуулах, Төрийн албаны тухай хууль, дагалдан гарсан журам, дүрэм, зааврыг төрийн албан хаагчдад сурталчилан таниулах, “Монгол Улсад мэргэжлийн иргэн, төвтэй төрийн албыг төлөвшүүлэх” нь төслийн хүрээнд орон нутагт сургалт зохион байгуулж яваа юм.    Сургалтанд Орхон аймгийн төрийн албанд ажилладаг 450 гаруй албан хаагч оролцож байна. Сургалтаар “Төрийн албаны шинэчлэл, бодлогын үзэл баримтлал”-ын талаар нутгийн захиргааны байгууллагуудын дарга, ажилтан, алба хаагч нарт,  “Төрийн албаны шинэчлэл”, “Төрийн албаны тусгай шалгалт”, “Төрийн жинхэнэ албаны нөөц бүрдүүлэх журам”, “Албан тушаалын тодорхойлолт боловсруулах нийтлэг журам”, “Төрийн албан хаагчийн ёс зүйн хэм хэмжээ”, “Сахилгын шийтгэл ноогдуулах, түүнд гомдол гаргах эрх зүйн зохицуулалт” болон бусад сэдвүүдээр нийт төрийн албан хаагчдад чиг үүрэг, мэдээлэл хийж байна.    Монгол улсын төрийн албаны Завлөлийн ажлын хэсэг иргэдээс судалгаа авах, зарим нэг төрийн байгууллагуудаар орж ажиллах юм.