11 СУРАГЧ МҮИС-Д ХҮССЭН МЭРГЭЖЛЭЭРЭЭ СУРАЛЦАНА

Хүүхдийн эрхийг хамгаалах олон улсын өдрийг угтаж “Энх Эрдэнэтийн хөгжил” ТББ Орхон аймгийн зорилтот бүлгийн 1600 гаруй хүүхдэд үнэ төлбөргүй кино үзүүлж, бэлэг гардууллаа. Мөн хичээл, сурлагадаа сайн, цаашид сурч хөгжих хүсэл эрмэлзэлтэй 11 хүүхдэд Монголын Үндэсний Их Сургуульд үнэ төлбөргүй суралцах эрхийн бичгээр бэлэг барилаа. Ингэхдээ сургууль, баг бүрээс 12 дугаар ангийн сурагчдын судалгаа авч, сонгон шалгаруулсан гэнэ. Эрхийн бичгийг "Энх-Эрдэнэтийн Хөгжил" ТББ-ын тэргүүн, гишүүд дэмжигчид, МУ-ын хөдөлмөрбөрийн баатар, гавъяат тамирчид, МҮИС-ийн удирдах албан тушаалтнууд гардууллаа.