2019-2020 оны хичээлийн жилд шинээр элсэн суралцах суралцагчийн бүртгэлийг энэ сарын 10,11-ний өдрүүдэд ерөнхий боловсролын сургуулиуд дээр зохион байгуулна. Энэ хичээлийн жилд Баян-Өндөр сумын хэмжээнд нэгдүгээр ангид шинээр 2344 хүүхэд элсэхээс 2271 нь СӨББ-ын бэлтгэл бүлгээс элсэх юм. Шинээр элсэн суралцах суралцагчдыг бүртгэхдээ БСШУС-ын сайдын 2019 оны 04 дүгээр сарын 05-ны өдрийн А\/200 тоот тушаал, Боловсрол, соёл, урлагийн газрын даргын 2018 оны 04 дүгээр сарын 27-ны өдрийн “Хамран сургах тойрог тогтоох тухай” А\/19 тоот тушаалын хоёрдугаар хавсралтыг тус тус баримтална. Харин сургуулийн өмнөх боловсролын байгууллагын төрийн өмчийн 28 цэцэрлэгийн бүртгэл энэ сарын 10-ны өдрийн турш зохион байгуулагдах бөгөөд 2017 оны 2 настай - 1413, 2016 оны 3 настай- 224, 2014 оны 4 настай 199, 2014 оны 5 настай 196 хүүхдийг шинээр бүртгэнэ. Харин хувийн 10 цэцэрлэгт нийт 2018 оны 1 настай - 142, 2017 оны 2 настай 179, 2016 оны 3 настай 111, 2015 оны 4 настай 99, 2014 оны 5 настай 63 хүүхдийг шинээр бүртгэх юм.  Эцэг эхчүүд хүүхдээ бүртгүүлэхээр ирэхдээ өөрсдийн иргэний үнэмлэх, хүүхдийн төрсний гэрчилгээний эх хувь болон хуулбар авчирахыг БСУГ-ын холбогдох албан тушаалтнууд анхааруулж байна.