Эрдэнэт хот гимнастикийн спортоор амьсгалж, бүх насныхан хөдөлгөөнийг эрхэмлэж, нийтийн гимнастик, аэробик, хийн дасгал, йогоор хичээллэгсдийн тоо жилээс жилд нэмэгдэж байна. Жишээ нь БСУГ-ын санаачилгаар завсарлагааны гимнастик-Япон хийн дасгалыг ЕБС-ийн 20 шахам мянган хүүхэд хийж хэвшсэн. Орхон аймгийн гимнастикийн холбоо нь үүсэн байгуулагдсанаас хойш 19 жилийг үзэж буй. Аймгийн аварга шалгаруулах тэмцээн уралдаан зохион байгуулаад 17 дахь жилтэйгээ золгоод байна. Энэ жилийн тэмцээн уралдааныг Орхон аймгийн ЗДТГ, Эрдэнэт үйлдвэр ТӨҮГ, Улаан загалмай нийгэмлэг ТББ, Монголын гимнастийн холбоо, Орхон аймгийн БТСГ, Орхон аймгийн БСУГ, Эрдэнэт нутгийн хөгжил ТББ-ууд хамтран зохион байгуулсан юм. Жил бүр тодорхой төсөвт өртөгтэйгээр Орхон аймгийн ЗДТГ-аас дэмжлэг үзүүлж буй нь аймаг орон нутгийн биеийн тамир, спортын шигшээ багийг төрүүлэх, цаашид гаргах амжилтын гарааг бататгахад зорилго оршиж буй хэмээн Орхон аймгийн Засаг дарга Д.Батлут нээлтийн үеэр онцоллоо.   Уламжлал болгон зохион явуулж ирсэн тэмцээнд оролцогчдын ур чадвар, чанар чансаа өсөн нэмэгдэхийн хирээр, тэмцээнийг шүүх шүүгчдийнн бүрэлдэхүүнийг мэргэжлийн түвшний, зэрэг цолтой эрхмүүдээр шүүн явуулах болсон. Тухайлбал Монголын гимнастикийн холбооны ерөнхий нарийн бичгийн дарга, ОУХ-ний шүүгч, дасгалжуулагч Г.Ерөөлбат уригдан, урлаг спортын хатуу дэг, шалгаруулалт дунд шүүж байна. Энэ удаагийн тэмцээнд нийт 500 гаруй хүүхэд, 50 гаруй багш тамирчид өрсөлдөж аваргуудаа шалгарууллаа. Тэмцээний тэргүүн байранд “9-дүгээр цэцэрлэг”, хоёрдугаар байранд “Оюу” цэцэрлэг, гуравдугаар байранд 1-дүгээр цэцэрлэг шалгарсан бол, тусгай байранд 4-дүгээр цэцэрлэг, 22-дугаар цэцэрлэгүүд тус тус шалгарлаа. Тус тэмцээн нь Хүүхдийн спортын 6-р их наадмын хүрээнд зохион байгуулагдаж, өмнө нь ЕБС-ийн 10 сургууль өрсөлдсөн бол, СӨБ-ын насанд 19 цэцэрлэг, “Жимстрада” арга хэмжээнд нийт 17 цэцэрдэг сургууль, 8 ААН оролцож байна. Яг одоо Амарын талбайд "Жимстрада-2019"-өөр үргэлжилж байна.