Орон сууцны тагтнаас бага насны хүүхэд унаж амь эрсджээ

Цагдаагийн газраас мэдээлж буйгаар дулааны улирал эхэлсэнтэй холбоотойгоор эцэг эхчүүдийн хүүхэддээ тавих хараа хяналт суларч, гэнэтийн ослоор бага насны хүүхэд амь эрсдэж байгааг анхааруулж байна. Учир нь саяхан буюу өнгөрсөн 7 хоногт Долдугаар хорооллын орон сууцны  4 давхрын тагтан дээр 4 настай хүүхэд тоглож байхдаа унан, тухайн газартаа амь насаа алдсан байна. Мөн өнгөрөгч долоо хоногт нэгэн эх унтаж байхдаа нярай хүүхдээ хөхөөрөө бүтээж, амь насаар нь хохироосон харамсалтай хэрэг гарсан байна. Иймд эмнэлэг цагдаа, ОБГ гэх мэт мэргэжлийн байгууллагуудаас эцэг эхчүүдэд бага насны хүүхдэд тавих хараа хяналтаа сайжруулах, тагт цонхондоо хамгаалалт хийх, гудамж талбайд харгалзах хүнгүй салхилуулахгүй байх, сонор сэрэмжээ нэмэгдүүлэхийг анхааруулж байна.