Орхон аймгийн Татварын хэлтэс иргэдийн санал хүсэлт авах, зөвлөгөө мэдээлэл өгөх утас ажиллуулж эхэллээ

Монгол улсын Засгийн газраас 2019 оныг “Иргэн төвтэй төрийн үйчилгээний жил” болгон зарласантай холбоотойгоор Орхон аймгийн татварын хэлтсээс үзүүлж буй төрийн үйлчилгээг хөнгөн шуурхай болгох, иргэдэд ойртуулах, албан хаагчдын үйлчилгээний талаар тэдний санал, хүсэлт, гомдлыг хүлээн авах, судалж шийдвэрлэж хариу өгөх, тулгамдаж байгаа асуудлыг шийдвэрлэх, хэлтсийн үйл ажиллагааг сайжруулахад иргэдийн санал хүсэлтийг тусгах зорилгоор Иргэдийн санал хүсэлт хүлээн авах 75055888 дугаарын утсыг ажиллуулж эхэллээ. Иймд татвар төлөгчид татварын хууль тогтоомж, цахим тайлангийн талаар, НӨАТ-ын урамшууллын систем, цахим төлбөрийн баримт \/е-баримт\/ олголтын талаар, албан хаагчдын ёс зүй, сахилга хариуцлагатай холбоотой мэдээлэл, гомдол, санал хүсэлтээ Орхон аймгийн Татварын хэлтсийн 75055888 дугаарын утсанд ирүүлж, хамтран ажиллана уу. Орхон аймгийн татварын хэлтэс