"Энх Эрдэнэтийн хурд-2019"-ийн бай шагнал Эрдэнэтчүүдэд түгээгдлээ
Монгол ардын Нарийн бичгийн дарга Ц.Бат-Энхийн санаачилгаар энэ сарын 12-нд, Орхон аймаг, Эрдэнэт хотноо “Энх Эрдэнэтийн хурд-2019” уралдаан зохион байгуулагдах байсан нь цуцлагдсаныг албан ёсоор өнөөдөр мэдээллээ. Тус уралдаанд Булган, Орхон, Хөвсгөл, Ховд зэрэг аймгийн хурд оролцохоор бүртгэл хийгдсэн байсан ч Орхон аймгийн Морин спорт уяачдын холбоо хамтран зохион байгуулахаас татгалзсан учир цуцлагдсан байна. Ивээн тэтгэгчээр оролцож байсан Монгол ардын Нарийн бичгийн дарга Ц.Бат-Энх өнөөдөр Орхон аймгийн төрийн үйлчилгээ, эрүүл мэндийн шуурхай тусламжинд уяачдын бай шагналаар хандив өргөв. Энэ сарын 12-нд түүний санаачилгаар Эрдэнэт хотноо зохион байгуулагдах байсан уралдаан цуцлагдсан байна. Хурдан морьдын уралдааны түрүү, аман хүзүүний бай болох хоёр автомашин, бусад байруудын мялаалга 4 мотоцикль, унадаг дугуй 10 болон бусад бай шагналыг Орхон аймгийн ЗДТГ-ын удирдлагуудад хүлээлгэн өглөө. Хоёр автомашиныг Орхон аймгийн түргэн тусламжийн үйлчилгээнд, Жаргалант сумын эрүүл мэндийн салбарт, мотоциклийг Жаргалант сумын гурван баг, Баян-Өндөр сумын малчин багийн Засаг заргад, унадаг дугуйг зорилтот бүлгийн хүүхдүүдэд бэлэглэлээ.
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.