Ебаримт олголтын явцад хяналт шалгалт хийж, жишиг тогтоохоор ажиллаж байна
Иргэд худалдан авалт бүртээ ебаримт авч, сугалаанд оролцож азтан болохыг хүсэмжлэх болсон. Гэвч Орхон аймагт ебаримт олгохгүй байх зөрчил их байдаг. Тухайлбал Есөн-Эрдэнэ, Ачит төв, Баян худалдааны төв, Төгөл, Хангайн бүс худалдааны төв, Хүлэг хүнсний зах зэрэг олны хөлд дарагдсан худалдаа үйчилгээний газруудын түрээслэгчид ийм зөрчил гаргах нь элбэг. Мэдээж энэ нь зөрчлийн тухай хуулиар тохирсон торгууль шийтгэлтэй ч, татвараа нуун дарагдуулж байгаагийн нэг илрэл юм. Өнгөрөгч хугацаанд баримт олгохгүй, иргэдийг хохироож байгаа зөрчил дутагдалд татварын хэлтсээс сануулах, зөвлөн туслах үйлчилгээг үзүүлж ажиллаж байсан бол энэ онд татварын ерөнхий хуулийн дагуу зөрчил давтан гаргаж байгаа, E Баримт олгохгүй байгаа ААН-үүдэд хариуцлагын арга хэмжээ авч ажиллахааар хяналт, шалгалт зохион байгуулж, тохирох арга хэмжээ авч хэрэгжүүлэхээр ажилд ороод байна. Мөн үүний зэрэгцээ Есөн-Эрдэнэ, Ачит төв гэх худалдааны төвүүдэд төлбөрийн баримт олголтын сайн Жишиг тогтоохыг зориод буйг Орхон аймгийн Татварын хэлтсийн дарга Б.Өлзийсайхан хэллээМөн худалдан авагчид ебаримт олгохгүй байгаа зөрчлийн талаар татвары ерөнхий газрын 18001288, Орхон аймгийн Засаг даргын 70353511, Орхон аймгийн татварын хэлтсийн байцаагчийн 70352810 дугаарт холбогдон санал гомдлоо илэрхийлэх боломжтой. Иргэнээс ирүүлсэн саналын дагуу шалгалт явуулж, зохих хариуцлагыг тооцно гэдгийг ч сануулж байна. Мөн одоогоор УИХ-ын нэгдсэн чуулганаар Татварын багц хуулийн төслийн талаар хэлэлцэж буй. Бизнес эрхлэгч, ААН-үүдэд таатай хуулийн заалтууд буй гэнэ
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.