Утааг бууруулах хүрээнд шахмал түлш үйлдвэрлэхээр судалж байна
Улаанбаатар хотод 5-дугаар сарын 15-наас хойш түүхий нүүрсийг нэвтрүүлэхгүй байх тогтоол хэрэгжихээр болсонтой холбогдуулан, Таван толгойн кокосжсон шахмал түлшийг нийлүүлэхээр болсон. Харин орон нутагт тус шахмал түлшийг нийлүүлэх боломжгүй тул Орхон аймаг дотоодтоо шахмал түлшийг үйлдвэрлэх боломжийг эрэлхийлж байна.
Бусад орон нутаг болоод Эрдэнэт хотод ч мөн утаа, агаарын бохирдол жил ирэх бүр нэмэгдэх болсон. Үүнтэй холбоотойгоор орон нутагтаа шахмал түлшний үйлдвэрлэл нэвтрүүлэх шаардлагатай гэж орон нутгийн төр захиргааны зүгээс үзэж, судалж байна. Эрдэнэт хотод гэр хорооллын бүсэд нийт 17,0 мянган айл өрх байдаг бол жилд 34,0 тн орчим шахмал түлш шаардлагатай гэсэн судалгаа гарчээ.Одоогоор шахмал түлшний үйлдвэрлэл эрхлэх санал нэг иргэн, нэг ААН-ээс ирүүлсэн байна. Ингэхдээ орон нутгаас дэмжлэг авахыг хүсчээ.
Хэрэв шахмал түлшийг орон нутагтаа үйлдвэрлээд эхэлбэл Эрдэнэт хотын агаарын бохирдол буурахаас гадна, тодорхой хэмжээний ажлын байр ч нэмэгдэх боломжтой болно. Одоогоор шахмал түлшний үйлдвэрийн арга технологийг судалж, ирсэн 2 саналтай харьцуулалтын судалгааны ажил хийгдэж байна.
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.