Өмнөговь аймагт 1000 даалингийн баяр боллоо

Өмнөговь аймгийн төвд сар шинийн өмнөхөн "1000 даалингийн баяр" үзэсгэлэн боллоо. Дэлгэрэх ухаан төрийн бус байгууллагын санаачилга, аймаг орон нутгийн удирдлагуудын дэмжлэгтэйгээр хийсэн 1000 даалингийн баярт 300 орчим хатгамалч 1500 бүтээлээ дэлгэв.  1000 даалангийн баярыг 2017 онд анх удаа Өмнөговь аймагт зохион байгуулсан бөгөөд үүний үр дүнд Монгол дахь Юнескогийн соёлын өвийн зөвлөлд энэхүү 1000 даалингийн баярыг бүртгүүлжээ.  Монгол үндэсний уран хатгамал, үндэсний хувцасны уран хийц өв соёлыг түгээн дэлгэрүүлэхэд ач холбогдолтой энэ арга хэмжээнд оролцогчид болон бүтээлийн төрөл зүйл улам нэмэгдэж буй юм байна.