Сар шинийн баярыг тохиолдуулан урлаг, спорт, сурлагын өндөр амжилт гаргасан багш, сурагч, уран бүтээлч, тамирчдыг Орхон аймгаас шагнаж урамшуулдаг уламжлалтай.  Тус уламжлал ёсоор шороон нохой жилд амжилт гаргасан алдартнуудыг шагнаж урамшууллаа. 2018 оны амжилтаас дурдахад.  сурагчид 5 хичээлийн төрлөөр олон улсын олимпиадад  эх орноо төлөөлөлөн оролцож,2 мөнгө, 3 хүрэл медаль хүртсэн. Улсын  төрөлжсөн олимпиадад  6 сурагч аймгаа төлөөлөн оролцож 4 мөнгө, 2 хүрэл медаль хүртэж, аймгийнхаа нэр алдрыг алдаршуулжээ. Харин соёл урлагийн салбараас улс, олон улсын уралдаан тэмцээнд нийт 723  сурагч, 4 уран бүтээлч оролцож, 46 алт,9 мөнгө,17 хүрэл медаль,3 тэргүүн байрыг,2 цомын  эзэн болсон бол харин спортын салбарт дэлхийн аварга шалгаруулах тэмцээнд Орхон аймгаас 13 тамирчин эх орноо төлөөлөн оролцож, 2 алт 5 мөнгө 6 хүрэл, ази тивийн аварга шалгаруулах тэмцээнд 18  тамирчин оролцож 9 алт, 4 мөнгө 5 хүрэл медалыг эх орондоо авчирсан төдийгүй улсын аварга шалгаруулах тэмцээнүүдэд нас насны ангилалд нийт 267 тамирчин медалын эзэн болжээ.