Орхон аймагт томуугийн дэгдэлттэй холбоотойгоор сургууль цэцэрлэгийн үйл ажиллагаанд нэг сарын 15-наас хоёрдугаар сарын 1 хүртэл хязгаарлалт хийгдсэн. Гэвч БСШУСЯ-ны сайдын тушаалын дагуу 2 дугаар сарын 11нээс цэцэрлэг сургуулийг хичээллүүлэх шийдвэр гаргасан тул ЕБС, СӨБ-үүд сар шинийн баярын дараа буюу хоёрдугаар сарын 11-нээс хичээллэх болсон байна. Орхон аймгийн Засаг даргын захирамжаар хөл хорио,хязгаарлалтын хугацааг дуусган хичээл эхлүүлэх боломжтой гэж ЭМГ-аас мэдээлсэн. Гэвч  БСШУСЯ-ны сайдын тушаалаар Сар шинийн баярын өдрүүдэд зохицуулан шийдвэрлэсний дагуу хоёрдугаар сарын 4-нд бус 11нд сургууль, цэцэрлэгүүд албан ёсоор хичээллэх болсонг Орхон аймгийн БСУГ-аас мэдээлж байна. Мөн ЭМГ-аас эцэг эхчүүдэд сар шинийн баярын өдрүүдэд золголт хийхдээ бага насны хүүхдийг шүлсдэж үнсэхгүй байх, амны хаалт хийх, ам хамрын санаци хийх, гарын ариун цэврийг тогтмол сайтар сахих, хүүхдийн дархлааг дэмжиж өгөхийг анхааруулан сэрэмжлүүлж байна. Өнөөдрийн байдлаар  БОЭТ-д 379 иргэн хэвтэн эмчлүүлж байгаагаас 106 буюу 28 хувь, түргэн тусламжийн үйлчилгээнд нийт 466 удаагийн дуудлага ирснээс 150 буюу 32,8 хувийг тус тус томуу эзэлж байна. Үүнээс 0-4 насны хүүхдүүдийн өвчлөл 74 хувь байгаа юм. Энэ нь хязгааралалтыг эхлүүлэхэд буюу тархвар судлалын эхний 7 хоногт томуугийн өвчлөл 17,8 хувь байсан бол өнөөдөр 8,3 хувьд хүрсэн. Гэвч бага насны хүүхдүүдийн томуугийн өвчлөл буурахгүй байгааг дахин дахин сануулж байна. Дашрамд дурдахад эмч мэргэжилтэнгүүд сар шинийн баярын дараа ахмад настангуудын архаг хууч сэдрэх, ханиад томуугаар өвчлөх тохиолдол нэмэгдэх хандлагатай байдгийг ч хэлж байна