Орхон аймаг Их хаадын цуваа ХХК-тай байгуулсан гэрээг 2033 он дуустал шинэчлэн үзэглэлээ
ОРХОН АЙМАГ МОНГОЛ-ЧЕХЫН ХАМТАРСАН “ИХ ХААДЫН ЦУВАА” ХХК-ТАЙ БАЙГУУЛСАН ГЭРЭЭГЭЭ ШИНЭЧЛЭН ҮЗЭГЛЭЛЭЭ. МӨН ЭНЭ ҮЕЭР “ИХ ХААДЫН ЦУВАА” ХХК-ИАС 8 ОРОН СУУЦЫГ ОРОН НУТГИЙН ӨМЧИЙН МЭДЭЛД ШИЛЖҮҮЛЭХЭЭХ БОЛСОНЫГ ДУУЛГАЛАА
2012 оноос хойш Их хаадын цуваа ХХК Евро Эко- 7А хороололд 500 айлдын орон сууцыг бариад байна.
Орон нутагтай хийсэн анхны гэрээгээр бүх санхүүжилт 100 хувь Чех улсаас гарахаар Цагаанчулуут багийн 49-52-р гудамжны 90 гаруй айлтай гэрээ байгуулж, орон сууцжуулах, 280 хүүхдийн багтаамжтай хоёр цэцэрлэг, 1100 хүүхдийн багтаамжтай сургууль, худалдаа үйлчилгээний төв барихаар тусгагдсан байдаг. Гэвч гэрээнд заагдсан ажлууд биелэлээ олоогүй, өнгөрсөн хугацаанд хэд хэдэн утаа гэрээнд өөрчлөлт оруулсанаар, зөвхөнд компани ашигтай хэлбэрээр барилга, орон сууцаа барьж ирсэн юм. Үүгээр ч зогсохгүй аймаг орон нутагтай зарим нэг зөрчилдөөн үүссэнээр гэрээг шинэчлэх шаардлагатай гэж холбогдох албаныхан үзэж, шаардлагатай судалгааг хийж гүйцэтгэсэний дагуу гэрээг шинэчлэн үзэглэлээ.
Шинэчлэсэн гэрээгээр иргэдэд, тэр дундаа Цагаанчулуут багийн оршин суугчдад үр ашиг, өгөөжтэй байхаар нухацтай хандсан гэдгийг Орхон аймгийн Засаг дарга мэдээллээ. Тодруулбал орон нутгийн өмчид 8 орон сууц шилжүүлж, гэрээг 2033 он дуустал буюу 15 жилийн хугацаанд хамтран хэрэгжүүлэх, гэр хорооллыг чөлөөлж, дахин төлөвлөлтөнд оруулсанаар айл өрхүүдийг орон сууцжуулах ажлыг шинээр, нээлттэй төсөл сонгон шалгаруулалтаар зарлах боломж бүрдсэн гэдгийг дуулгалаа.Сонгон шалгаруулалтаар шалгарсан компаниуд аймгийн Засаг даргын захирамжаар анх олгосон газарт орон сууцны ажлыг үргэлжлүүлэн хийж гүйцэтгэхээр болжээ.
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.