Орхон аймгийн Засаг дарга жил бүр аймгийн 2 сумын 24 багийн иргэд, төрийн албан хаагчидтай, хэлтэс агентлагийн дарга удирдлагуудын хамт уулзалт зохион байгуулж, хийж хэрэгжүүлсэн ажлын тайлан, ирэх оны төлөвлөөөг танилцуулан иргэдийн саналыг авдаг. Тус уулзалт өнөөдөр Наран , Цагаанчулуут, Рашаант, Уртын гол багаас эхэллээ Ингэснээр 2018 онд орон нутгааас хийж хэрэгжүүлсэн томоохон төсөл хөтөлбөр, дэд бүтцийн чиглэлээр хийсэн бүтээн байгуулалт, хөрөнгө оруулалтын ажлуудыг танилцуулж, иргэдэд мэдээлж байна. Өмнөх уулзалтаас нийт 70 гаруй зүйлтэй хэрэгжүүлэх ажлын төлөвлөгөө гарган ажилласан бөгөөд хэрэгжилт нь 80 гаруй хувьтай байна. Тухайлбал гэрэлтүүлэг тодорхой хэмжээнд сайжруулсан бол гэр хорооллын хог ачилтад тодорхой дэвшилт гаргаж, ачилтын хугацааг орйртуулж, хог ачилтад шаардлагатай парк шинэчлэлийг хийснийг ч танилцуулав. Иргэдийн зүгээс орон нутгийн агаарын бохирдол, утаа, нийтийн тээврийн үйлчилгээ хүртээмжийн талаар Наран , Цагаанчулуут, Рашаант, Уртын гол багуудын иргэдийн хувьд тулгамдсан асуудал болж байгааг засаг даргад уламжилж байв. Ялангуяа агаарын бохирол, утааг бууруулах чиглэлд дорвитой арга хэмжээ авч хэрэгжүүлэх,гэмт хэрэг зөрчил, аюулгүй байдлыг нэмэгдүүлэх хүрээнд хяналтын камерийн тоог нэмэгдүүлэх, цалин тэтгэвэр, түүнтэй хамраалалтай зээлийн тусламж үйлчилгээний шаардлага зэрэг асуудлууд иргэдэд тулгамдсан асуудал болж буйг илэрхийлж байсан юм. Засаг дарга, түүнийг баг бүрэлдэхүүний уулзалт нэгдүгээр сарын 21 нээс 27 ныг хүртэл үргэлжлэх бөгөөд өнөөдөр Шанд, Даваат багийн иргэдтэй хийх уулзалт хийж байна. Маргааш Их залуу, Яргуйт багийн уулзалтаар үргэлжлэх бөгөөд уулзалтанд иргэн таны өмнө тулгамдсан бүхий л санал санаачлагыг боломжтой нөхцөлд газар дээр нь шийдвэрлэж, хариу мэдээллийг өгөхөөхөө ач холбогдолтой юм.