Хувь хүний орлогын албан татварын хөнгөлөлтийн дүн, шаталсан хувь хэмжээтэй болсон. Үүнтэй холбоотойгоор нягтлангууд тохируулга хийх шаардлагатай болж байна. Тохируулга хийгээгүйн улмаас зөрүү үүсч, иргэд буцах тохиолдол ихээр гарч байна. Иймд Орхон аймгийн Татварын хэлтсээс нягтлангуудад дараах зөвлөмжийг өгч байна.   Нягтлан бодогч нарт: Жилийн эцэст цалингийн орлогоос тооцох татварын хөнгөлөлтийг тохируулах тухай заавар, жишээ: Цалингийн орлогод татвар ногдуулахдаа татвар ногдуулах орлогыг ХХОАТ-н хуульд заасны дагуу тодорхойлно. Албан татвар ногдуулах орлогыг тодорхойлох 17 дугаар зүйл. Цалин хөлс, шагнал, урамшуулал болон тэдгээртэй адилтгах орлогод албан татвар ногдуулах орлогыг тодорхойлох 17.1.Цалин хөлс, шагнал, урамшуулал болон тэдгээртэй адилтгах орлогод албан татвар ногдуулах орлогыг дараахь байдлаар тодорхойлно: 17.1.1.энэ хуулийн 11.1.1, 11.1.6-д заасан орлогоос нийгмийн болон эрүүл мэндийн даатгалд төлсөн шимтгэлийг хассан дүнгээр 17.1.2.энэ хуулийн 11.1.2-11.1.5-д заасан орлогын тухайд нийлбэр дүнгээр нь.