Орхон аймгийн Баян-Өндөр сум, Жаргалант сумаас цаг үеийн асуудлаар мэдээлэл хийлээ. Тодруулбал  гахайн мялзан өвчин гарсантай холбогдуулан гахайн мах , тэжээл, бусад бүтээгдэхүүнийг постоор нэвтрүүлэхгүй байхаар шийдвэрлэсэн байна. Тухайн өвчин нь хүнд халдварлахгүй ч, хүн тээгч болдгийг анхааруулж байна. Тиймээс Гахайн аж ахуй эрхлэгч иргэд, ААН-үүд анхаарал сэрэмжтэй байж шинж тэмдэг илэрсэн тохиолдолд яаралтай мэдээлэхийг анхаарууллаа. 2019-01-11-ний өдөр “Говил багийн хогийн цэгт” олон тооны гахай үхсэн гэсэн мэдээллийн дагуу мэргэжлийн байгууллагаас газар дээр нь ажиллахад “Бөхөнгийн өвөрт” байрлах хогийн цэгийн орчимд 5 хэсэгт 107 ширхэг том жижиг үхсэн гахайг хураан овоолсон байжээ. Тиймээс МЭАЦ-ийн лабораторид шинжилгээнд дээж авахуулж, лабораторийн шинжилгээний дүн, МХГ-ын Улсын байцаагчийн  дүгнэлтийг тус тус үндэслэн Баян-Өндөр сумын Засаг даргын 2019 оны 1 дүгээр сар 13-ны өдрийн “Хорио цээрийн дэглэм тогтоох тухай’’ А\/09 тоот захирамж, ‘’Үзлэг тандалт, ариутгал, халдваргүйтгэлийн ажлыг зохион байгуулж, хэрэгжүүлэн ажиллаж байна. Нийт 20 өрхийн 393 гахай байснаас өвчнөөр 146 үхэж 252 гахай үлдсэн байна. Харин Жаргалант сумын тухайд нийт 361 гахай байснаас 115 гахай үхсэн байна.  Одоогоор сэжигтэй айл өрхүүдийн гахайн байр, хашаа, ойр орчмын газарт ариутгал халдваргүйжүүлэлт хийж байна. Халдварт өвчний голомтод байсан 107 гахайн сэг зэм, Жаргалант сумын 2 иргэний 115 гахай нийт 239 гахайг булж устгажээ. Хавьтлын замаар буюу амьд гахайн шилжилт хөдөлгөөн, гахайн гаралтай түүхий эд, бүтээгдэхүүн, гахайн тэжээл, гахай маллагч хүний хувцас, тоног хэрэгслээр дамжин гахайн дунд халдварладаг цочмог халдварт өвчин бөгөөд хүнд халдварлахгүй, хүн тээгч болдог гэдгийг анхааруулж байна. Иймд хөл  хорио тогтоож,  гахайн мах, тэжээл, бусад экспортын хүнсийг нэвтрүүлэхгүй байх, хиаман цехийн түүхий эдэд тандалт, шинжилгээ хийх зэрэг ажлуудыг зохион байгуулж эхлээд байна.