Боловсролын байгууллагад хөл хорио тогтоож, эцэг эхчүүдэд цалинтай чөлөө олгохоор шийдвэрлэв
Орхон аймагт томуугийн дэгдэлт 17,8 хувь хүрээд байна. БОЭТ-ын амбулториор 10518 хүн үйлчлүүлсний 1869 буюу 17,8 хувь нь амьсгалын замын цочмог халдвартай байна. Энэ нь өнгөрсөн 7 хоногоос 12,3 хувиар өссөн үзүүлэлт буюу дэгдэлтийн хэмжээнд хүрсэнийг Орхон аймгийн ЭМГ-аас мэдээлж байна.Тиймээс эрүүл мэндийн сайдын төлөвлөгөө батлах тушаалын дагуу Боловсролын байгууллагын үйл ажиллагааг түр хугацаагаар зогсоох боллоо. Ингэхдээ ханиад томуугаар өвчилсөн хүүхдийн эцэг эхэд цалинтай чөлөө олгож, гэрээр эмчлүүлэхээр болоод байна.
Тодруулбал: Орхон аймгийн БОЭТ-д нийт 407 үйлчлүүлэгч хэвтэн эмчлүүлж байгаагаас 135 буюу 33,2 хувь нь уушгины үрэвсэл, амьсгалын замын цочмог хүнд халдвартай байна.Үүнээс БОЭТ-ийн хүүхдийн тасаг хэвийн өдрүүдээс 3 дахин их ачаалалтай ажиллаж, 133 хэвтэн эмчлүүлэгсэдтэй байгааг ЭМГ-аас мэдээлж байна.Түргэн тусламжийн төвийн хандалтаар нь авч үзвэл 7 хоногт 558 буюу 34,9 хувь нь томуу, томуу төст өвчин эзэлж байгаагаас 0-4 насны хүүхдийн өвчлөл 87,2 хувийг эзэлж байна.
Тиймээс сургууль, цэцэрлэг, боловсролын байгууллагын үйл ажиллагаанд эхний ээлжинд 2 дугаар сарын 1-нийг хүртэл хөл хорио тогтоох саналыг Орхон аймгийн эрүүл мэндийн газраас гаргалаа.Үүнтэй холбоотойгоор Орхон аймгийн засаг дарга Д.Батлут: Ханиад томуугаар хүүхэд нь өвчилсөн эцэг эхчүүдэд цалинтай чөлөө олгоыг төр хувийн ААН-үүдэд чиглэл болгож, гэрээр эмчилгээ хийхийг үүрэг болгож байна.
Томуугийн хувь хэмжээ буурсан үед хөл хориог цуцална. Одоогоор Орхон аймагт хэвтэн эмчлүүлэгсдээс томуугийн H1N1 вирус 1 илэрсэн. Томуугийн тархцад томчууд хөнгөн хэлбэрээр өвчилж, тээгч болж байна гэдгийг ч анхааруулж байна. Тиймээс ам хамрын санаци хийх, гарын ариун цэврийг тогтмол сайтар сахих, хүүхдийн дархлааг сайтар дэмжих өгөхийг ЭМБ-аас анхааруулж байна. Өвчлөлтэй холбоотойгоор ЭМГ-ууд уртасгасан цагаар ажиллаж, шаардагдах арга хэмжээг үе шаттайгаар авч хэрэгжүүлж байна.
Дашрамд дурдахад одоогийн байдлаар томуугийн тархалт 10-аас дээш хувьд хүрсэн 11 аймаг байгаа бөгөөд 2 хүүхэд насбараад байна.
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.