"Эрдэнэс-Таван толгой” компанийн иргэн бүрт олгосон 1072 ширхэг хувьцаанаас ногдол ашиг олгоно гэсэн мэдээлэл гарсантай холбоотойгоор ЭТТ компанийн гүйцэтгэх захирал Б.Ганхуяг-аас тодруулга хүргэж байна.  Монголын Улсын иргэдэд байдаг 1072 хувьцаа, 0.05 хувь нь 64 аж ахуйн нэгжид бий. 1072 хувьцааг өнөөдрийн байдлаар 2511000 иргэн эзэмшдэг бөгөөд хувьцаа гаргаснаас хойш дөрвөн удаа арилжаа хийсэн байдаг. Эхнийх нь иргэд тэтгэврийн хэлбэрээр 1072 хувьцаагаа борлуулаад, мөнгөө авсан. Мөн хөгжлийн бэрхшээлтэй иргэд хувьцаагаа зарж, мөнгө авсан. Оюутнууд сургалтын төлбөрөө төлөх зорилгоор хувьцаагаа арилжаалсан. Хамгийн сүүлд иргэд 300 мянган төгрөгөөр 300 хувьцаагаа зарсан нь тодорхой хэмжээнд үр ашгаа өгсөөр ирсэн. 2018 оны эхний хагас жилийн тайлангаар 953 тэрбум төгрөгийн борлуулалтын орлоготой ажилласан нь 2018 оны батлагдсан төсвийн орлого 1.26 их наяд төгрөгийн 78 хувийг бүрдүүлж,, улсын төсөвт 2018 онд төвлөрүүлэх 285 тэрбум төгрөгөөс 216.5 тэрбум төгрөгийг хагас жилд багтаан төвлөрүүлж, компани 373.3 тэрбум төгрөгийн цэвэр ашигтай ажиллаад байна.             2019 онд бид 1072 хувьцаанаас иргэн бүртээ ногдол ашиг хуваарилна. Одоо хүлээгдэж буй үр дүнгийн тооцоогоор 600-700 орчим тэрбум төгрөгийн цэвэр ашигтай ажиллана гэж компанийн зүгээс үзэж байна. Хувьцааны үнэ 933 төгрөгөөс унахгүй байх болдогыг барьж байгаа бөгөөд үнэ нь өссөн тохиолдолд сан үйлчилдэггүй. Харин үнэ нь буурсан тохиолдолд төр хамгийн түрүүнд худалдаж авдаг байх нь зөв юм. Энэ бол иргэдийн ирээдүйд хөрөнгө оруулж буй эдийн засгийн гол хэрэгсэл учраас Засгийн газар анхаарлаа хандуулж, ажиллаж байна. Мөн засгийн газраас  2012 оноос хойш төрсөн иргэдэд хувьцаа олгох асуудлыг  анхаарч, УИХ-ын төвшинд шийдэхээр ажиллаж байна .