Дэлхийн зөн олон улсын байгууллагаас өнгөрсөн 2 жилийн хугацаанд "Гамшигт тэсвэртэй-Улаанбаатар" төслийг хэрэгжүүлсний үр дүнд АНУ-ын гадаад улс орнуудын гамшигт тусламж үзүүлэх газрын санхүүжилтийг авч чадсан. Үүний үр дүнд "Гамшигт тэсвэртэй хотууд" төслийг Орхон аймагт хэрэгжүүлэх болжээ.          Уг төсөл нь гамшигт тэсвэртэй хотыг бий болгох нь хөдөлгөөнийг Монгол улсад түгээн дэлгэрүүлэх, хот, суурин газрын гамшгийн эрсдлийг бууруулах, даван туулах чадавхыг бэхжүүлэх, орон нутгийн түвшний  гамшгийн менежментийг сайжруулах зорилгоор хэрэгжиж, Монгол улсын гамшгаас хамгаалах тухай хуулийн хэрэгжилт, олон улсын гамшгаас хамгаалах тухай хуулийн хэрэгжилт, олон нийтийн оролцоотой гамшгийн эрсдлийг бууруулах үндэсний хөтөлбөрт хувь нэмрээ оруулахад чиглэж байна. Энэ хүрээнд хойд бүсийн иргэдийг гамшгаас хамгаалах сургалт аргазүйн төвийг байгуулахад дэмжлэг үзүүлж, "Аюулгүй өрх" болон "Аврагч мазаалай" хүүхдийн сургалтын өрөөг тохижуулах гэх мэт олон арга хэмжээг хэрэгжүүлнэ.Гамшигт тэсвэртэй хотууд төсөлд Орхон аймгийн төрийн 4 байгууллага, Баян-Өндөр сумын байгалийн элдэв гамшигт өртөмтгий 6 баг хамрагдах бөгөөд цаашид Монгол улсын 21 аймагт хэрэгжихээр төлөвлөгджээ.  Орхон аймгийн Онцгой байдлын газар хойд бүсийг хамаардаг. Тиймээс төвийн бүсэд чиглэсэн гамшгийн эрсдлийг бууруулах зорилт арга хэмжээг хэрэжүүлэхэд тохиромжтой. Орхон аймагт 2015-2018 онд гамшиг, аюулт үзэгдэл, техникийн холбогдолтой осол, гал түймрийн нийт 685 дуудлага аврах ажиллагааны 138, объектын гал түймрийн дуудлага 547, ой, хээрийн түймрийн дуудлагаар 26 удаа гарсан байна. Орхон аймагт ой, хээрийн түймэр гараагүй ч, Булганд 13 удаа, Сэлэнгэ аймагт 9 удаа, Төв аймагт 18 Хөвсгөл аймагт 1 удаагийн ой, хээрийн түймэр гарсан байна. Гамшгаас хамгаалах үйл ажиллагаанд төрийн болон хувийн хэвшлийн оролцоо нэмэгдэж байгаа ч, иргэд сайн дурынхны оролцоо дутагдалтай.Төсөл хэрэгжих энэ хугацаанд сайн дурынхны оролцоог нэмэгдүүлэх, тэдний сэтгэл зүйг бэлтгэх, эрх, үүргийг нь нарийвчлан тодорхой болгоно.