Дунд хугацаааны бодлогын баримт бичигт тусгагдсан алсын харааг Ногоон хөгжлийн тодорхойлолт болох Байгалын нөөц баялагийг зөв зохистой, байгаль ээлтэй техниологи хэрэглэн эдийн засгийг хөгжүүлэх замаар ажилгүйдэл ядуурлыг бууруулах гэсэн санааг тодотгож өгчээ. Өөрөөр хэлбэл Байгаль экологи, нийгмийн хөгжилд ээлтэй байдлаар хотоо хөгжүүлэх нь эдийн засгийн өсөлтийг бий болгох юм.  Ажлын хэсгийн зүгээс Орхон аймгийн дунд хугацааны баримт бичгийг хэрэгжүүлэхдээ  “Эрүүл, оюунлаг иргэнтэй, цэвэр, аюулгүй орчинтой, байгальд ээлтэй үйлдвэрлэл, хэрэглээг дэмжсэн, тогтвортой засаглалтай, ногоон хот болно” гэж тодорхойлсон байна.   Зорилтоо хэрэгжүүлэхийн тулд Нийгмийн тогтвортой хөгжил, Эдийн засгийн тогтвортой хөгжил,Байгаль орчны тогтвортой хөгжил, Засаглалын тогтвортой хөгжил гэх  тэргүүлэх чиглэлүүдэд 16 зорилтыг дэвшүүлжээ.            Тухайлбал нийт хүн амыг тэжээллэг, аюулгүй хүнс, баталгаат ундны ус, хямд, найдвартай, орчин үеийн эрчим хүч, ариун цэврийн байгууламжаар хангах, эрүүл мэндийн тусламж, үйлчилгээг сайжруулах, иргэдийн эрүүл мэндийн боловсролыг дээшлүүлэх замаар өвчлөл, нас баралтыг бууруулан, дундаж наслалтыг нэмэгдүүлж, хүн бүрт чанартай боловсролыг тэгш хүргэх, насан турш боловсрох боломжийг бүрдүүлж, бүтээмжтэй, зохистой хөдөлмөр эрхлэлтийг дэмжиж, байнгын тасралтгүй орлоготой, боловсролтой, эрүүл,  оюунлаг “Эрдэнэт иргэн”-ийг төлөвшүүлнэ.  Уг нийгмийн тогтвортой хөгжлийг хангахад 7 зорилгыг хүрээнд 20 зорилт дэвшүүлж 57 шалгуур үзүүлэлтээр үр дүнг тодорхойлох юм байна. Дунд хугацааны бодлогын баримт бичгийг боловсруулахдаа НҮБ-аас зөвлөх үйлчилгээ авсан бөгөөд Орхон аймгийн ИТХ-ын тэргүүлэгчид хангалттай сайн гэж дүгнэн баталлаа.