Нэмэгдсэн өртгийн албан татварын тухай хууль шинэчилсэн найруулгаар 2016 оны нэгдүгээр сарын нэгний өдрөөс хэрэгжиж эхэлсэн бөгөөд ААН, бизнес эрхлэгчид төлбөрийн баримт буюу НӨАТ-ын хоёр хувийн урамшуулал авах эрхтэй, сугалаатай төлбөрийн баримтыг хэвлэж хэвшээд байна. Орхон аймгийн хэмжээнд давхардсан тоогоор  баримт олгож байгаа 5494 цаг ажиллаж байна. НӨАТ-ын буцаан олголтыг жилд нэг удаа олгодог бөгөөд  харин сугалааны тохирлыг орон даяар сар бүрийн  гурав дахь Ням гаригт зохион байгуулж Боловсрол телевизээр шууд дамжуулдаг. Энэ онд Орхон аймгийн хэмжээнд 2367 иргэн НӨАТ-ын азтан болоод байна. Сугалааны урамшууллын зэрэглэлээр 20.000 төгрөгийн азтан 157, 50.000 төгрөгний азтан 1956, 100.000 төгрөний азтан 21, 200.000 төгрөгний азтан 210, 500.000 төгрөгний азтан 2, 1 000 000 төгрөгний азтан 17, 5 000 000 төгрөгний азтан 4 тодорчээ. Харин 2018 оны 10 дугаар сарын тохирлоор нийт 286 азтан Орхон аймгаас тодорсон бөгөөд 1 000 000 төгрөгний азтан нэг, 5 000 000 төгрөгний азтан 2 тодорсон байна. Дараагийн дугаарт "Таван сая" төгрөгийн аз хэрхэн ирсэн талаар ярилцлага хүргэнэ. Орхон аймгийн Татварын хэлтэс