Орхон аймгийн худалдан авах ажиллагааны ерөнхий төлөвлөгөөний биелэлт 3-р улрлын байдлаар 91,5 хувийн биелэлттэй байна. Үүнээс 133  гэрээ нь  орон нутгийн төсвийн хөрөнгөөр буюу  11.2 тэрбум,  8 гэрээ нь улсын төсвийн 10.4 тэрбум төгрөгийн хөрөнгөөр хийгдсэн байна. 2018 оны худалдан авалтын ерөнхий төлөвлөгөөнд 53,6 тэрбум төгрөгийн 283 авалт 2018-11-12 байдлаар тусгагджээ. Үүнд  Орхон аймгийн орон нутгийн төсвийн хөрөнгө оруулалтаар  11.2 тэрбум төгрөгийн 133 худалдан авалт, улсын төсвийн хөрөнгө оруулалтаар хийгдэхээр эрх нь шилжиж ирсэн 10.4 тэрбум төгрөгийн 8 худалдан авалт Польш улсын засгийн газар хоорондын зээлийн ерөнхий хэлэлцээрийн хүрээнд батлагдсан 25.6 тэрбум төгрөгийн  1 худалдан авалт,  Орхон аймаг, “Эрдэнэт үйлдвэр” ХХК-ийн 2018 онд хамтран ажиллах гэрээний хүрээнд тус үйлдвэрийн 1.6 тэрбум төгрөгийн хөрөнгөөр долоон ажлын гэрээ хийгджээ. Харин ХХҮГ, БСУГ-ын захиалгаар 2.5 тэрбум төгрөгийн 17 ажил энэ онд хийгдэхээр худалдан авалтын гэрээ байгуулсан байна. Мөн Баян-Өндөр сумын  орон нутгийн хөгжлийн сангийн хөрөнгө оруулалтаар 784.6 сая төгрөгийн 51 худалдан авалт, Жаргалант сумын орон нутгийн хөгжлийн сангийн хөрөнгө оруулалтаар 414 сая төгрөгийн 18 худалдан авалт, “Эрдэнэт ус” ДТС ОНӨ ХК-ийн өөрийн хөрөнгө оруулалтаар 943.9 сая төгрөгийн 48 худалдан авалтын тендер шалгаруулсан байна. Мөн энэ онд хийгдсэн зарим хөрөнгө оруулалтаас дурдвал, улсын төсвийн 4,2 тэрбум төгрөгөөр 928 хүүхдийн багтаамжтай сургуулийн барилгыг барьж эхэлж, ажил он дамжин хийгдэхээр болсон бол  Баянцагаан багт 3.4 тэрбум төгрөгөөр инженерийн шугам сүлжээ байгуулах ажлын зураг төсөв л гарчээ. Оны худалдан авах ажиллагааны ерөнхий төлөвлөгөөнд 53,6 тэрбум төгрөгийн 283 худалдан авалтын хэрэгжилтийг авч үзвэл Шалгарч гэрээ байгуулсан 259, зарласан 9, зураг төсөв, техникийн тодорхойлолт, ажлын даалгавар хүлээгдэж буй 12, амжилтгүй болсон буюу шаардлага хангасан тендер ирээгүй 3 ажил байна. Ингэснээр аймгийн худалдан авах ажиллагааны ерөнхий төлөвлөгөөний биелэлт 3-р улирлын байдлаар 91.5 хувийн биелэлттэй байна.  Нийт худалдан авах ажиллагаанд оролцож шалгарсан ХХК-иудын  90 орчим хувь нь орон нутгийнх гэнэ. Мэдээллийг Орхон аймгийн Өмчийн газрын ажил худалдан авалт хариуцсан ахлах мэргэжилтэн М.Батнягтаас тодрууллаа.