Орхон аймагт ирэх онд "Мэдээлэл шуурхай удирдлагын төв" ашиглалтад оруулах гэж байна. Тус төв нь  "Түргэн тусламжийн төв", салбаруудыг хянаж, үйлчилгээ явуулах хуваарилалтыг хийнэ. Тодруулбал:                    Түргэн тусламжийн төвийг Шуурхай удирдлагын төв удирдаж явна. Ерөнхийдөө дуудлага хүлээн авагч нар ажиллаж, түргэн тусламжийн салбаруудыг хянаж, түргэн тумламжийн үйлчилгээ явуулах хуваарилалтыг хийнэ. Одоо хийж байгаа зохицуулалтаар гэр хороололд "Түргэн тусламжийн төв"-ийн 2 салбарыг нээнэ.  Ингэхдээ түргэн тусламжийн үйлчилгээ үзүүлж байгаа оодоогийн тасагт  "Түргэн тусламжийн төв", гэр хороолол буюу Дэнж багийн Учралтбаяр ӨЭМТ, Рашаант багийн Үйлс бадрах ӨЭМТ-үүдэд салбаруудыг ажиллуулж, 12 сарын нэгнээс дотоод зохион байгуулалтаар 5 эмч ажиллуулахаар төлөвлөөд байна.Таван эмч, нэг жолоочийн цалингийн санхүүжилтийг БОЭТ-өөс шийднэ. Харин 2019 оны нэг сараас 3 салбартайгаар өдөрт 5 ээлжээр түргэн тусламжийн үйлчилгээ үзүүлнэ. Ингэснээр төвд 2, гэр хорооллын салбаруудын нэгд 2, нэг салбарт нь 1 машин, 1 эмчтэй гээд өдөрт 5 эмч, 5 жолооч түргэн тусламжийн үйлчилгээ үзүүлж, нийтдээ 30 оронтойтойгоор ажиллана.  Яаралтай түргэн тусламжийн дуудлагад 20 минутад үзүүлэх ёстой байдаг. Гэтэл одоогоор 20 минутад очиж байгаа дуудлага нь нийт дуудлагын 52 хувийг эзэлж байна. Харин нийслэлийн түргэн тусламжийн төв нийт дуудлагын 80 орчим хувьд 20 минутад багтан үйлчилгээ үзүүлж байна. Тиймээс түргэн тусламжийг аль хурдан яаралтайгаар иргэдэд үзүүлж чадна, түүний хирээр тухайн хүнийг болзошгүй хүндрэл, насбаралтаас сэргийлж чадна гэж үзэж байна. Мөн үүнтэй холбогдуулан түргэн тусламжид үйлчлэх автомашинуудыг тоноглоно. Тухайн зардлыг орон нутгаас шийдэрлэхээр болсон. Тоноглогдсон машинуудад түргэн тусламжийн стандартын дагуу 14 нэр төрлийн тоног төхөөрөмжийг суурилуулах юм. Жишээ нь зүрхний цахилгаан бичлэгийн аппараттай болно. Ингэснээр түргэн тусламжийн дуудлага өгсөн айлдаа, өвчтөнд зүрхний бичлэг хийж, мөн эмнэлэг хүртэлх хугацаанд шаардлагатай бүх үзлэг, тусламжийг үзүүлэх боломжтой болно.