НӨАТ-ын тайланг энэ сарын 10-ныг дуустал хүлээж авна
Аймгийн хэмжээнд 10-дугаар сарын НӨАТ-ын тайланг энэ сарын 10-ныг хүртэл хүлээн авч байна. Аж ахуйн нэгж, иргэд НӨАТ-ын тайлангаа сар бүрийн 1-с 10-ны хооронд Орхон аймгийн Татварын хэлтэст илгээх ёстой бөгөөд өнгөрсөн сарын хувьд аж ауйн нэгж, иргэдийн 94,5 хувь нь тайлангаа илгээсэн байна. Харин тайлангаа ирүүлээгүй иргэд, ААН-үүд өмнөх сарын тайлангаа заавал нөхөж өгсөний дараа энэ сарын тайлангаа илгээх эрх нь нээгдэхийг анхааруулж байна.
Мөн Татварын тухай хуульд зааснаар ААН-үүд улирлын тайланг дараа улирлын эхний сарын 20-ны дотор ирүүлэх ёстой байдаг. Гэтэл Орхон аймгийн хэмжээнд 1627 ААН 3-р улирлын тайланг хоцроосон байна.
Дашрамд дурдахад Орхон аймгийн татварын хэлтсээс долоо хоног бүрийн Мягмар гаригийн 15:00 цагт бизнес эрхлэгчдэд зориулсан татварын багц сургалт, Лхагва гаригийн 15:00 цагт хэрэглэгч, иргэдэд зориулсан цахим баримтын тухай сургалт зохион байгуулдаг тул эрхэм та өөрийн цаг заваа төлөвлөн татварын тухай ойлголт, мэдлэгээ дээшлүүлэх боломжтой юм.
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.