Мал аж ахуйн гаралтай мах, махан бүтээгдэхүүнээс антибиотикек, эмийн үлдэгдлийн шинжилгээ хийсэн байна. Энэ нь орон нутагт антиобитекийн үлдэлдэлд шинжилгээ хийсэн анхны тохиолдол аж. Харин шинжилгээний үр дүн “Хүнсний аюулгүй байдал”-д хөрөнгө оруулалт хийх шаардлага зайлшгүй тулгараад буйг гэрчлэн, нийт дээжийн 4-өөс эмийн үлдэгдэл илэрчээ.   Шинжилгээнд 71 ААН-ийн худалдаалж буй мах махан бүтээгдэхүүнээс дээж авсан. Үүнд Хүлэг худалдааны төвөөс 10, экспортод мах гаргадаг ХХК-иудаас 35, амралт сувиллын газраас 6, сургууль цэцэрлэгийн үдийн цай, хоол хүнсэнд хэрэглэдэг махнаас 12, иргэдийн хүсэлтээр 8 дээж авч шинжлэхэд Хүлэг худалдааны төвөөс 1, иргэдийн хүсэлтээр шинжлүүлсэн 3 тохиолдолд антибиотиек эмийн үлдэгдэл 1,6 хувиар илэрчээ. Энэ үзүүлэлт нь олон улсын хүлээн зөвшөөрөгдөх дээд хэмжээнээс доогуур ч, ийм хэмжээний махыг хүн өдөр тутамдаа хэрэглэснээр, элгэнд хуримтлагдаж, хүний эрүүл мэндэд нь сөргөөр нөлөөх эрсдэлтэй аж.    Тиймээс “Таван-Эрдэнэ” зах, Хүлэг худалдааны төвд малчдаас нийлүүлэгдэж байгаа мах, амьд малын худалдаанд эмийн үлдэгдэлд тавих хяналт шалгатыг сайжруулах, энэ төрлийн худалдаа үйлчилгээний ААН-үүдийн Лаборторийн хүчин чадлыг нэмэгдүүлэх, дахин энэ төрлийн тандалт оношлуур хийх хөрөнгө мөнгийг орон нутгийн хөгжлийн сан,орон нутгийн төсөв, улсын төсөвт ахиу тавьж өгөх шаардлагатай байна.  Мөн энэ 7 хоногийн сүүлээс аймгийн хэмжээнд 50,0 мянган толгой малыг малын гоц халдварт шүлхий өвчнөөс урьдчилан сэргийлэх тарилгаар вакцинжуулна. Тиймээс малчид болоод ард иргэд өвлийн хүнсэнд хэрэгцээлэх малаа авч үлдэхийг сануулж байна. Дашрамд дурдахад малчдын замбараагүй хэрэглэж сурсан цагаан тариа, пинцлин жи тарилга хийлгэснээс хойш 10 хоног, пет-стреп 30, ампицилин 16, стрептомицин 14, ивермектин 21-35, прогестрон буюу ороо үржлийн үед ашигладаг даавар 60 хоногийн дараа махнаас гадагшилдаг байна. Мэдээллийг Баян-Өндөр сумын мал эмнэлэг, үржийн тасгийн дарга Л.Уртнаст хийлээ.