Хөдөө орон нутгаас орж ирж буй амьд мал, малын гаралтай бүтээгдэхүүн бүгд Таван-Эрдэнэ худалдааны төвд төвлөрч, мэргэжлийн эмчийн хяналт, шинжилгээнд хамрагдсанаар баталгаат хүнс иргэдэд нийлүүлэгдэх боломжтой болж байна. Тодруулбал Орхон аймгийн Таван-Эрдэнэ худалдааны төвд анхны зорилго ёсоор ийнхүү ажиллаж эхлэх нь ээ.
Баян-Өндөр сумаас хотын өнгө үзэмж, хүнсний эрүүл ахуй, аюулгүй байдлыг хангахын тулд бодлогоор хувийн хэвшлээ дэмжин ажилласан нь энэ юм. Цаашид Орхон аймаг, Эрдэнэт хотод малын гаралтай түүхий эд, арьс шир, өлөнг ил задгай, зам дагуу бус зөвхөн энд худалдан авах, зарж борлуулах юм. Харин худалдаа үйлчилгээний таатай орчин, зам, тохижилт, бүрдүүлэх чиглэлд орон нутгийн оролцоо чухал. Тиймээс арьс, түүхий эд авдаг цэгүүдэд нь зориулж сүүдрэвч, ноос авдагт нь хүйтэн ангар, ноолуур авдагт нь контейнер, малын амьд худалдаа хийлгэх хашаа, мал нядалгааны стандартад нийцсэн газрууд, дайвар бүтээгдэхүүн борлуулах цэг гээд цогцоор нь төвлөрүүлэхээр шат дараатай ажлуудыг хэрэгжүүлж байна
Үүгээр ч зогсохгүй зэргэлдээ төвийн бүсийн аймгуудын малын гаралтай мах, арьс ширч төвлөрөх боложмтой болж байна. Алсдаа тус худалдааны төвөөс итгэмжлэгдсэн лабортори ажиллуулж, ноос ноолуур хадгалах ангор ашиглалтад оруулахаас гадна амьд мал худалдан авсан тохиолдолд, төхөөрөн жижиглэн бэлтгэх, дайвар бүтээгдэхүүнийг цэвэрлэж, өвчүү толгойг нь хуйхалж өгөх хүртэл үйлчилгээг нэвтрүүлнэ гэнэ.
Орхон -10°
Булган -6°
Дархан-Уул -5°
Улаанбаатар -5°
Сэтгэгдлүүд 0