Өвөлжилтийн бэлтгэлийн нэг хэсэг нь гэр хорооллын айл өрхүүдийн түлээ түлш, нөөцийн бэлэн байдал, үнэ ханшийг тогтвортой барих асуудал байдаг. Тэгвэл Баян-Өндөр сумаас санаачилж, айл өрх өөрсдийн боломжинд тааруулж ачих нөхцлөөр хангасан шинэ захыг хувийн хэвшилтэй хамтран ажиллуулах болжээ. Хамгийн гол нь үнэ ханшийг тогтвортой барих гэнэ.
Тодруулбал Баянталын хэсэг дээр "Орхон-1" түлээний зах шинээр нээгдэх гэнэ. Тус зах нь мод, нүүрс, шахмал түлш худалдаалахаас гадна өөрсдөө шахмал түлш боловруулах технологи судалж буй гэнэ. Өнөөдрийн байдлаар Булган аймагт үйлдвэрлэгдэж байгаа шахмал түлшийг туршилтаар худалдаалж байна.
Мөн модны нөөцийг сайтар бэлтгэж байна. Ингэнсээр түлээ түлшний худалдааг бүх төрлөөр явуулах боломжтой болно. Жишээ нь шуудайгаар, үхэр тэрэг, морин тэргээр иргэдийн хэрэглээ, санхүүгийн боломжинд тохируулан зах зээлийн үнээс доогуур, хямд зарж борлуулахаар одоогийн байдлаар 380 гаруй м куб мод бэлтгээд байна.
Мөн тухайн модны захад жижиглэнгээр түлээ, нүүрс худалдан борлуулдаг иргэдэд үнэ төлбөргүйгээр талбай гарган өгч дэмжих юм.
Түлээний үнэ ханшийг зохиомлоор өсгөх явдал газар авсаар байгаа тул ийнхүү модны захыг нэмж байна. Иргэн та портер модыг 200.000-250.000 төгрөгөөр буюу 1м куб модыг 50,0 төгрөгнөөс дээш үнээр худалдан авахгүй байr, зохиомол хөөрөгдөл үүсгэхгүй байхыг анхааруулж байна.
Орхон -4°
Булган -2°
Дархан-Уул 0°
Улаанбаатар -2°
Сэтгэгдлүүд 0