Энэ онд 500 тоннын багтаамжтай зоорь барина
Баян-Өндөр сумын иргэд хавар ногоо тариалахдаа хүнсний ногооны үрийг кг тутамд 1000 төгрөгөөр авч, хаваржин зунжин хүч хөдөлмөрөө зарцуулан ургуулдаг. Гэвч намрын цагт хадгалах зоорь савгүйгээс ногооны үнэ уналтад орж, ашиг шимийг нь үзэж чадахгүйд хүрдэг тул хямд үнээр ченжүүдэд бөөнддөг. Энэ нь хүнсний ногооны үнэ өсөх шалтгаан болдог аж.
Гарал үүсэл нь тодорхой, эрүүл хөрс шороонд тарьж ургуулсан ногоогоор сумын иргэдийн хүнсний хэрэглээ, сургууль цэцэрлэгүүдийн гал тогоо, үдийн цайнд тогтвортой үнээр, эрүүл ногоогоор хангах, Баян-Өндөр сумын төмс, хүнсний ногоо тариаланчдыг дэмжин ажиллах бодлогыг хэрэгжлүүлэн Орхон аймаг, Хөдөө аж ахуйн газар, Баян-Өндөр сум зохицуулалт хийн ажиллаж байна. Үүний тулд зоорь барих ажил эхлүүлжээ.
Одоо барьж эхэлсэн зоорь нь 4 метрийн гүн, 500 метр, кубын багтаамжтай. Энэ онд барьж дуусна. Нийт 2000 тоннын зоорь барих аж. Зоорь барих ажилд "Баялаг бүтээл" ХХК-тай хамтран ажиллаж байна. Тус зоорь ашиглалтад орсоноор ногоочдод хямд үнээр түрээслүүлж, ногоогоо хадгалах боломж нөхцлөөр хангана.Ингэснээр хүнсний ногоо тариалагч иргэд ногоогоо хадгалах боломжтойгоос гадна, хүнсний ногооны үнэ улиралын чанартай өсөхгүй гэж холбогдох албаныхан харж байна.
Мөн Баян-Өндөр сумын гэр хорооллын бүс, өөр аймаг орон нутагт газар түрээслэн, төмс хүнсний ногоо тариалагчид олон байдаг. Цаашид өвлийн хүлэмж бариж ашиглалтад оруулах, хоёр аймгийн хамтын ажиллагааны хүрээнд, өөр аймаг орон нутгийн газар түрээсгүйгээр ногоо тариалах боломж нөхцлийг бүрдүүлж, жижиг дунд , өрхийн үйлдвэрлэл эрхлэгч, төмс хүнсний ногоо тариалагчдаа дэмжинэ. Тиймээс төмс хүнсний ногоо тариалах хүсэлтэй иргэд, ямар хэмжээтэй газарт, хэр хэмжээний ногоо тариалах, усалгаагаа хэрхэн шийдвэрлэхээ тодорхой болгон Баян-Өндөр сумын ажлын албанд хүсэлт гаргах хэрэгтэй гэдгийг сануулж байна.
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.