"Ухаалаг утасгүй хичээлийн жил" аян Хүрэнбулаг багийн сургууль тус бүрт хэрэгжинэ
Засгийн газрын шийдвэрээр 10-р сарын 1-ээс ухаалаг утсыг сургуулийн орчинд хэрэглэхийг хориглосон шийдвэр мөрдөгдөж байгаатай уялдуулан Баян-Өндөр сумын Хүрэнбулаг багийн ажлын алба “Ухаалаг утасгүй хичээлийн жил” аяныг өөрийн багийн нутаг дэвсгэрийн ЕБС-иудад эхлүүллээ.
Уг аян нь ухаалаг гар утас болон ухаалаг төхөөрөмжийн сөрөг нөлөө, эрсдэлийг бууруулах, урьдчилан сэргийлэх, гар утасны зохистой хэрэглээг хэвшүүлэх зорилготой. Аяны хүрээнд өөрийн багийн нутаг дэвсгэрт байрлах ерөнхий боловсролын сургуулиудад багийн Засаг даргын захирамжийн дагуу, сургуулийн орчинд ухаалаг утас ашиглах журмыг, уриа бүхий стикерийн хамт гардуулан өглөө. Мөн ухаалаг утасны зохистой хэрэглээг бий болгох, ухуулга сурталчилгааг тогтмол зохион байгуулах, уриалгыг сургууль тус бүрт хэрэгжүүлэн ажиллахыг үүрэг болгосон байна.Тус багт ЕБС-ийн 4 сургууль үйл ажиллагаа явуулдаг. Тодруулбал улсын чанартай 4, 13-р сургууль, хувийн Цайхун гэгээ, Эрдмийн сан сургуулиуд юм.
Аяны удирдамжийг гардаж авсан тус сургуулиуд ухаалаг утаснаас татгалзах уриалгад нэгдэж бусад ЕБС-иудаа уриалж байна.Сургуулийн орчинд ухаалаг утасны хэрэглээг хязгаарласнаар цахим халдлага, донтолтыг хязгаарлаж сурлагын түвшинд эерэг нөлөө үзүүлдэг ач холбогдолтой.
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.