Жаргалантын тариаланчид иргэдээ хуурдаг болсон
Жаргалант сумын ногоо тариалагчид Орхон аймгийн нийт ард иргэдийн хүнсний ногооны 60 гаруй хувийг ханган нийлүүлэх бүрэн боломжтой. Хавар зундаа тарьж ургуулсан ногоогоо худалдчихаад, дорвитойхон ашиг харсан нэг нь зооринд хадгалан, хаврын хэрэгцээнд үнэд хүргэх нь жинхэнэ тариаланчдын хөдөлмөрийн амт шим байхаар...
Гэтэл зээл авах нь зээл авч, хэдэн сар нойр хоолгүй хөлс хүчээ шавхан байж ургуулсан төмс хүнсний ногоогоо зах зээлд нийлүүлэхдээ зальжин арга сэдэж, толгойгоо гашилгадаг болоод удаж буй гэнэ. Үүний нэг нь Хангал, Баруунбүрэн, Булган зэрэг аймгуудын хөрсөнд тарьж ургуулсан ногоо гэж зах зээлд нийлүүлэх болсон явдал.
Аргагүй биз. Хангалын голын усны бохирдол, цагаан тоосны дэгдэлт, хөрсний бохирдолтой гэх үнэн худал нь мэдэгдэхгүй ам дамжсан ярианаас болж, Жаргалантын гэх тодотголтой сүү цагаан идээ, мах, хүнсний ногоо бүгд үнэгүйдэж байгаа юм. Учир нь болохгүй бүтэхгүй гэсэн ам дамжсан яриаг нэг бол баталсан, үгүй бол үгүйсгэсэн албан ёсны хариулт ард түмэн хүлээж суугаатай холбоотой. Бид эргэлзэж байна. Магадгүй Орхон аймгийн ард иргэдийн хавдраар өвчлөх, гаж төрөлтийн шалтгаан ч юм бил үү...
Энэ нь Эрдэнэт үйлдвэр, аймаг орон нутгийн захиргаа, ХХААГ, МХГ, БОАЖГ шинжилгээ судалгааны албан ёсны дүнг нэгтгэн, иргэдэд нээлттэй мэдээллэх шаардлагатайг сануулж байна. Энэ бол нийгмийн хариуцлага. Эс бөгөөс орон нутгийн хэдэн тариаланчдаа өр зээлны хүүнд идүүлж, нөгөө талаас ард иргэд нь эрүүл мэндээрээ хохирч үлдэх нь. Үүний цаана ченжүүдийн Хятад ногоог үнэд хүргэх явдал ч газар авсаар байна гэдгийг Жаргалантын тариаланчид хэлж байна.
Жаргалант сумын Засаг дарга Б.Зоригтбаяр: Хүнсний ногоонд шинжилгээ хийхэд эрүүл, хүний эрүүл мэндэд сөрөг нөлөөгүй гэдгийг холбогдох албанаас гаргачихсан. Хэдэн Ченжүүдийн бизнес явуулга байх шиг байгаан гэсэн хариулт өгч байна. Мөн бүх тариаланчдын хүнсний ногоог гарал үүслийг нь тодотгож, тамгажуулдаг болсон гэнэ.
Тэгвэл Жаргалантынхан энэ тамга тэмдгээр ногоогоо нийлүүлвэл жинхэнэ дампуурна гээч нь болно оо гэлцэх юм.
Хаана нь асуудал байна вэ? Хариулт байна уу...
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.