Орхон аймгийн БОЭТ Эрүүл мэндийг дэмжих төвтэй болно

2020-10-06 13:1043

 Эрүүл Мэндийн Яамнаас Улаанбаатар хотын эмнэлгийн тусламж үйлчилгээний төвлөрлийг сааруулах зорилгоор тодорхой бодлого баримтлан ажиллаж байна. Иймээс аймгуудын БОЭТ-үүдийг чадваржуулах тал дээр түлхүү анхаарч үе шаттай арга хэмжээг авч байна хэмээн ЭМЯ-ны сайд Т.Мөнхсайхан хэллээ.

Дээрх ажлын хүрээнд манай аймагт ажиллаж ЭМГ, БОЭТ-ийн эмч ажиллагсадтай уулзан үйл ажиллагаатай газар дээр нь танилцан тэдэнд тулгамдаж байгаа асуудлын талаар ярилцаж, зарим асуудлыг шийдвэрлэлээ.

Уулзалтын үр дүнд БОЭТ-ийг Эрүүл мэндийг дэмжих төвтэй болгох асуудлыг шийдвэрлэж энэ жил ЭХО, дүрс оношилгооны аппарат, нүдний даралт хэмжих багаж зэрэг нэн чухал шаардлагатай тоног төхөөрөмжийг олгохоор болсон байна. Мөн ирэх жилээс зүрхний яаралтай тусламжийг үзүүлдэг мэргэжилтэн бэлтгэж тоног төхөөрөмжөөр хангахад анхаарч зүрхний шигдээс, тархины харвалтын нэгжийг байгуулахад хамгийн чухал аппарат болох ангиографийн машинаар хангах ажлыг ярилцаж тохиролцжээ. 


Сэтгэгдэл

Анхааруулга:


Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна. etimes.mn сайтын редакц