Орхон аймагт үйл ажиллагаа явуулж буй шатахуун болон хийн шингэрүүлсэн түлш түгээх станцуудын үйл ажиллагаа, аюулгүй байдлыг сайжруулах зорилгоор аймгийн засаг даргын захирамжийн дагуу нийт 29 байршлын ШТС-д шалгалт хийсэн. Үзлэгт хамрагдсан аж ахуй нэгжүүдийн 18 байрши дахь ШТС-ыг илэрсэн алдаа зөрчлийг арилган, цаашид үйл ажиллагаа явуулах боломжтой гэж үзсэн. Харин холбогдох хуулиуд, норм стандартын зөрчилтэй, иргэд олон нийтэд аюултай бүсэд байрлах өндөр эрсдэлтэй 6 аж ахуй нэгжийн 9 байршил дахь ШТС-ыг нүүлгэн шилжүүлэх шаардлагатай гэж ажлын хэсгийн бүрэлдэхүүн үзжээ. Үүнд дараах ШТС-ууд хамаарагдаж байна.

1. Аймгийн Онцгой байдлын зүүн урд байрлах “Юни Газ” ХХК-ийн АХЦС-1
2. Цэцэрлэгт хүрээлэнгийн хойд талд байрлах “Петровис Ник” ХХК-ийн ШТС-2, “Юни Газ” ХХК АХЦС-2
3. 100 айлын урд байрлах "Магнай трейд" ХХК ШТС-31
4. Наран баг, 3-р сургуулийн урд байрлах “Содмонгол Групп” ХХК-ийн ШТС-25
5. Цэцэрлэгт хүрээлэнгийн зүүн талд байрлах “Чес Газ” ХХК-ийн АХЦС
6. Зэст баг, Барилгачдын талбайд байрлах “Петровис Ник” ХХК-ийн ШТС-1
7. Их хаадын зүүн урд байрлах “Содмонгол Групп” ХХК-ийн ШТС-54
8. 100 айлын урд байрлах “Шунхлай Петролиум” ХХК-ийн ШТС-2
9. Бараан зах, Эрдэнэт их дэлгүүрийн урд байрлах “Магнай Трейд” ХХК-ийн ШТС-44