Монголын тулгар төрийн 2232, Их Монгол Улсын 817, Ардын Хувьсгалын 102 жил, Үндэсний их баяр, Орхон аймаг, Эрдэнэт хотын үүсгэн байгуулагдсаны 47 жилийн баяр наадмыг зохион байгуулах нэмэлт зардлын задаргааг Орхон аймгийн ИТХ-ын 2023.06.12 ны өдрийн ээлжит бус 10 дугаар хуралдаанаар баталлаа.

   Ингэснээр баяр наадмын нийт төсвийг 419 сая төгрөгөөр баталжээ. Үүнд Хүндэтгэлийн арга хэмжээ зохион байгуулахад 49.8 сая, үндэсний бөхийн барилдааны зардалд 22.1 сая, хурдан морины зардалд 65 сая, сур, шагайн харваанд 24 сая, худалдаа үйлчилгээний зардалд 5.5 сая, сочёл урлаг, спортын арга хэмжээнд 160 сая, хот тохижилт, чимэглэлтийн зардалд 27,2 сая, хэв журам хамгаалахад 21.4 сая, наадмын төв комиссын зардалд 44 сая байхаар тусгажээ.