Нийслэлд "Нүхэн жорлон барих стандарт"-ыг танилцуулжээ

2022-06-20 11:06188

Улаанбаатар хотын долоон дүүргийн хэмжээнд өнгөрсөн оны байдлаар нийт 144,992 нүхэн жорлон тоологджээ.

Нүхэн жорлон шинээр барихдаа MNS 5924:2015 стандартын дагуу барихыг Нийгмийн Эрүүл Мэндийн Үндэсний Төв (НЭМҮТ)-өөс зөвлөж байна. Стандартын шаардлага хангасан нүхэн жорлон нь дараах шаардлагыг хангасан байх шаардлагатай. Үүнд: 

  • Битүүмжлэлтэй байх ёстой тул битүү хавтангаар хийх
  • Бүхээгийн хаалга гадна, дотор талдаа түгжээтэй байх
  • Шөнийн цагт гэрэлтүүлэгтэй
  • Бүхээгийн хаалганы дээд талд 400 мм урт, 200 мм өргөн ялаа, шавж орохоос хамгаалсан тор бүхий цонхтой
  • Бүхээг дотор ариун цэврийн цаас, өлгүүр, тагтай хогийн сав, цэвэрлэгээний хэрэгсэл байгуулсан байна.

Ариун цэврийн байгууламжийн шалыг битүү хавтангаар давхар шаллах, нүхийг бүхээгийн ирмэг хүртэл 180 мм-ээс багагүй зайтай байлгах, шалыг халтиргаа, гулгаанаас хамгаалсан зориулалтын материалаар өнгөлөх стандарттай байдаг. 

Эх сурвалж: Нийгмийн Эрүүл Мэндийн Үндэсний Төв


Сэтгэгдэл

Анхааруулга:


Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна. etimes.mn сайтын редакц