Засгийн газар цахилгаан, дулааны төлбөр болох 290 тэрбум төгрөгийг төлжээ

2021-04-30 11:0431

Засгийн газар 980 мянган хэрэглэгчийн цахилгаан, дулаан, уурын төлбөр 290 тэрбум төгрөгийг хариуцан төлөөд байгаа талаар Эрчим хүчний зохицуулах хороо мэдээллээ. 

Засгийн газраас айл өрхийн болон зарим ААН, байгууллагын цахилгаан, дулааны эрчим хүч, дулааны уур хэрэгслийн төлбөр, цэвэр, бохир усны үйлчилгээний төлбөр болон энгийн хог хаягдлын үйлчилгээний хураамжийг 2020 оны 12 дугаар сарын 1-нээс энэ оны 7 дугаар сарын 1 хүртэл төрөөс хариуцахаар шийдвэрлэсэн юм. 

Төлбөрийн хөнгөлөлтөд цахилгаан эрчим хүчний 683 мянган хэрэглэгч, дулааны эрчим хүчний 297 мянган хэрэглэгч, давхардсан тоогоор нийтдээ 980 мянган хэрэглэгч хамрагдаад байгаа юм. Энэ оны эхний 3 сард цахилгаан, дулааны эрчим хүч, дулааны уурын төлбөрөө Засгийн газраас хариуцуулж байгаа хэрэглэгчдийн нийт төлбөр 345 тэрбум төгрөг болсноос 290 тэрбум төгрөг буюу 84 хувийг Засгийн газраас төлөөд байна. 

 

Сэтгэгдэл

Анхааруулга:


Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна. etimes.mn сайтын редакц