Хөдөлмөр нийгмийн зөвшлийн гурван талт 2023-2025 оны хамтын хэлэлцээрийг баталлаа

2022-11-29 16:11150

Орхон аймгийн Хөдөлмөр нийгмийн зөвшлийн гурван талт хамтын хэлэлцээрийн 2021-2022 онд хэрэгжүүлсэн ажлын төлөвлөгөөний биелэлт, 2023-2025 оны хамтын хэлэлцээрийн төслийг хэлэлцэж баталлаа. 

      Монгол Улсад нийгмийн түншлэл хөгжиж эхэлснээс хойш тэр дундаа гурван талт хэлэлцээр бий болсноос хойш 30 гаруй жил болжээ. 1992 онд Орхон аймаг анхны хоёр талт хэлэлцээрийг хийж, 1994 оноос хойш өнөөдрийг хүртэл аймгийн Засаг дарга, Ажил олгогч эздийн нэгдсэн холбоо, Үйлдвэрчний эвлэлийн холбоо хөдөлмөр нийгмийн зөвшлийн гурван талт хэлэлцээрийг хоёр жил тутамд байгуулж, жил тутам биелэлтийг дүгнэсээр өдгөө 30 дахь жилтэйгээ золгож байна. 

2021-2022 оны хамтын хэлэлцээр 7 бүлэг 13 зүйл заалтын хүрээнд үйл ажиллагааг төлөвлөж биелэлт 93 хувьтай дүгнэгдлээ. Тухайлбал, Хөдөлмөр, нийгмийн харилцааны бодлогын асуудал бүлгийн хүрээнд 9 арга хэмжээг хэрэгжүүлж 100 хувийн биелэлттэй, Хөдөлмөр эрхлэлт, хөдөлмөрийн аюулгүй байдал, эрүүл ахуйн асуудал, сургалтын хүрээнд 28 үйл ажиллагааг зохион байгуулж 95 хувийн биелэлттэй гарчээ. 

99

Хэлэлцээрийн зорилго нь иргэд хөдөлмөрчдийн хөдөлмөрлөх, аюулгүй байдлын нөхцөл байдал, хөдөлмөрлөх эрх, ажлын байрны баталгаа зэрэгт онцгой анхаардагт оршдог. 
Өмнө нь хоёр жил тутамд хамтын хэлэлцээрийг байгуулж жил бүр биелэлтийг дүгнэдэг байсан. Өнгөрсөн оны нэгдүгээр сараас мөрдөж эхэлсэн Хөдөлмөрийн тухай хуульд нийгмийн түншлэлүүдийг хамтарч ажиллах хүрээнд хууль эрх зүйн талаас багагүй зохицуулалтыг тусгасны  нэг нь Хөдөлмөр нийгмийн зөвшлийн гурван талт хамтын хэлэлцээрийг гурван жилээр байгуулдаг болсон явдал юм. 
Ирэх жилүүдэд хэрэгжүүлэх хамтын хэлэлцээрт 7 бүлэг, 84 арга хэмжээг тусган хэрэгжүүлэхэд түншлэлүүд санал хэлж, асуулт асуун зөвшилцсөнөөр батлав. 


Сэтгэгдэл

Анхааруулга:


Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна. etimes.mn сайтын редакц